ماڭعىستاۋ وبلىسىندا بالاباقشاعا قاتىستى تاراعان الاڭداتارلىق اقپاراتتان كەيىن پوليتسيا تەكسەرۋ جۇرگىزىپ, وقيعانىڭ ءمان-جايىن انىقتادى, دەپ حابارلايدى Egemen.kz.
ۆەدومستۆو مالىمەتىنشە, الەۋمەتتىك جەلىدە تاراعان بەينەجازبا بويىنشا تەكسەرىس جۇرگىزىلگەن. ناتيجەسىندە 6 جاستاعى بالا اتالعان بالاباقشانىڭ تاربيەلەنۋشىسى ەمەس ەكەنى بەلگىلى بولدى. ول سول جەردە جۇمىس ىستەيتىن اناسىنىڭ قاسىندا بولعان.
بالاباقشا مەن كوللەدجدەردە داۋ-دامايدى رەتتەيتىن مەدياتسيا قىزمەتتەرى قۇرىلادى
وسى جاعدايعا بايلانىستى ايەلگە بالا تاربيەسىنە قاتىستى مىندەتتەرىن تيىسىنشە ورىنداماعانى ءۇشىن اكىمشىلىك ءىس قوزعالدى.
پوليتسيانىڭ حابارلاۋىنشا, وقيعا سالدارىنان زارداپ شەككەندەر جوق.
سونىمەن قاتار قۇزىرلى ورگاندارعا بالاباقشا قىزمەتىن تەكسەرۋ تۋرالى ۇسىنىس جولداندى.
ەسكە سالايىق, بۇعان دەيىن ماڭعىستاۋ وبلىسىنىڭ قاراقيا اۋدانىنداعى بالاباقشالاردىڭ بىرىندە قاۋىپسىزدىككە قاتىستى داۋ تۋىنداعان ەدى. الەۋمەتتىك جەلىدە اتا-انالاردىڭ ءبىرى بالالاردىڭ قاۋىپسىزدىگىنە الاڭداۋشىلىق ءبىلدىرىپ, ءبىر بالانىڭ وزگە بالالارعا اگرەسسيۆتى ارەكەت كورسەتكەنىن جازعان.