«KAZAKH INVEST» ۇك» اق, R-Vent (تۇركيا) جانە Novوmed BV International (نيدەرلاندى) كومپانيالارى قازاقستاندا مەديتسينالىق ماقساتتاعى ونىمدەردى شىعارۋدى جوسپالاپ وتىر, دەپ حابارلايدى Egemen.kz.
اتاپ ايتقاندا, ءارتۇرلى موديفيكاتسياداعى تىنىس الۋ سحەمالارى, ۆيرۋس-باكتەريالىق فيلترلەر, مەديتسينالىق وتتەگىمەن قامتاماسىز ەتۋ جانە انەستەتيكالىق-تىنىس الۋ ماسكالارىنىڭ ءوندىرىسىنىڭ ىسكە قوسۋدى تالقىلادى.
جوبا استانا قالاسىندا جاسالىپ, 2023 جىلى ىسكە قوسىلادى دەپ وتىر قوس تاراپ. ءبىرىنشى كەزەڭدە ينۆەستيتسيا كولەمى 3 ميلليون دوللاردان اسادى.
كەزدەسۋ بارىسىندا R-Vent كومپانياسىنىڭ باس ديرەكتورى تايفۋن ونۋر ەل ىشىندە سۇرانىستىڭ ارتۋىنا جانە جاقىن ماڭداعى نارىقتارعا شىعۋ مۇمكىندىگىنە بايلانىستى قازاقستاندىق نارىق كومپانيا ءۇشىن وتە قىزىقتى ەكەنىن ايتقان.
«بىزدە وزىق ءوندىرىس تەحنولوگيالارى بار, تاۋارلاردى ءىرى نارىقتارعا, سونىڭ ىشىندە ەۋروپا مەن امەريكا قۇراما شتاتتارىنا ەكسپورتتايمىز جانە ءوز داعدىلارىمىزدى قولدانۋعا جانە قازاقستاندىق مامانداردى وسى تەحنولوگيالاردى قولدانۋعا ۇيرەتۋگە دايىنبىز. ءبىز قازاقستاندى ورتالىق ازيا ەلدەرىنە جانە جاقىن ارادا ەۋروپا ەلدەرىنە ەكسپورتتاۋ مۇمكىندىگى بار ورتالىق ازياداعى حاب رەتىندە قاراستىرامىز», دەدى تايفۋن ونۋر.
ءوز كەزەگىندە «KAZAKH INVEST» ۇك» اق باسقارما توراعاسىنىڭ ورىنباسارى جاندوس تەمىرعالي دەنساۋلىق ساقتاۋ, فارماتسەۆتيكا وندىرىسىندەگى ينۆەستيتسيالىق جوبالاردى دامىتۋ قازاقستان ەكونوميكاسىنىڭ باسىم باعىتتاردىڭ ءبىرى ەكەنىن ايتىپ, قولداۋ كورسەتەتىنىن حابارلاعان.