قاراشادا اۋا رايى قانداي بولادى؟

اتاپ ايتقاندا, قاراشانىڭ العاشقى كۇندەرىندە ەل اۋماعى بويىنشا اۋا تەمپەراتۋراسى تۇندە -5+5°س, كۇندىز +1+9°س, ەلىمىزدىڭ وڭتۇستىگى مەن وڭتۇستىك-شىعىسىندا كۇندىز +10+18°س جىلى بولادى.

ءبىرىنشى ونكۇندىكتىڭ ورتاسىنان باستاپ بەلسەندى تسيكلون شىعىس باعىتتا جىلجىپ قازاقستان اۋماعىنان كەتەدى, بۇل تسيكلوننىڭ ىزىنەن قارا تەڭىز ايماقتارىنان انتيتسيكلون تارالادى, بۇل جاۋىن-شاشىننىڭ باسىندا باتىس وڭىرلەردە توقتاتىلۋىنا اكەلىپ سوقتىرادى, ونكۇندىكتىڭ سوڭىندا رەسپۋبليكانىڭ قالعان اۋماعىندا دا جاۋىن-شاشىن توقتايدى. اۋا تەمپەراتۋراسى ەلىمىزدىڭ سولتۇستىك جارتىسىندا تۇندە -3-13°س-قا دەيىن, كۇندىز -5+2°س-قا دەيىن, وڭتۇستىك جارتىسىندا تۇندە -5+2°س-قا دەيىن, كۇندىز 0,+8°س-قا دەيىن تومەندەۋى كۇتىلۋدە. 

ايدىڭ ەكىنشى جانە ءۇشىنشى ونكۇندىگىندە قازاقستان اۋماعىندا سولتۇستىك تەڭىز, باتىس جانە شىعىس ءسىبىر اۋداندارىنان سۋىق اۋا ماسسالارى ءجيى كەلىپ, تۇراقسىز اۋا رايى بولجانادى. تەرمومەترلەردىڭ باعاندارى ءتۇسۋى مۇمكىن:

سولتۇستىك جارتىسىندا تۇندە -17-25°س-قا دەيىن, كۇندىز -5-12°س-قا دەيىن;

وڭتۇستىك جارتىسىندا تۇندە -10-17°س-قا  دەيىن, كۇندىز -3-10°س-قا دەيىن.

الايدا قازاقستان اۋماعىنا اتلانتيكا مەن يران اۋماعىنان اۋا ماسسالارى تۇسەتىن جىلى كۇندەردىڭ دە بولۋى كۇتىلەدى.