بۇگىن استانادا تاۋەلسىز مەملەكەتتەر دوستاستىعى ۇكىمەت باسشىلارى كەڭەسىنىڭ كەزەكتى وتىرىسى وتەدى, دەپ حابارلايدى Egemen.kz.
وعان قازاقستان پرەمەر-ءمينيسترى ءاليحان سمايىلوۆ, ازەربايجان ۇكىمەتىنىڭ باسشىسى الي اسادوۆ, بەلارۋس پرەمەر-ءمينيسترى رومان گولوۆچەنكو, تاجىكستان ۇكىمەتى باسشىسى كوحير راسۋلزودا, وزبەكستان پرەمەر-ءمينيسترى ابدۋللا اريپوۆ, رەسەي ۇكىمەتىنىڭ توراعاسى ميحايل ميشۋستين, قىرعىزستان مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ, ارمەنيا پرەمەر-ءمينيسترىنىڭ ورىنباسارى مگەر گريگوريان جانە تۇرىكمەنستان مينيسترلەر كابينەتى باسشىسىنىڭ ورىنباسارى حودجامىرات گەلديمىرادوۆ قاتىسادى.
27 قازاندا رەسەي ۇكىمەتىنىڭ توراعاسى ميحايل ميشۋستين استاناعا ۇشىپ كەلدى. ونى قازاقستان پرەمەر-ءمينيسترى ءاليحان سمايىلوۆ پەن رەسەي فەدەراتسياسىنىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين قارسى الدى.