جۇپتىق سىندا ونەر كورسەتەتىن قازاقستاندىق تەننيسشى اننا دانيلينا مەكسيكانىڭ گۆادالاحارا قالاسىندا وتكەن ايەلدەر اراسىنداعى WTA1000 جۇپتىق ءتۋرنيرىنىڭ فينالىندا جەڭىلدى.
جەرلەسىمىز مەكسيكاداعى سايىسقا برازيليالىق بەاتريس حادداد مايامەن بىرگە جۇپ قۇراپ قاتىستى. جارتىلاي فينالعا دەيىن ۇپايدان شاشاۋ شىعارماعان اننا مەن بەاتريس فينالدا اۋستراليالىق ستورم ساندەرس پەن برازيليالىق لۋيزا ستەفاني جۇبىمەن كەزدەسىپ, تاي-برەيكتە قارسىلاستارىنا جول بەردى – 7:6, 6:7, 10:08. وسىلايشا, اننا مەن بەاتريس بيىل ەكىنشى رەت فينالدا ۇتىلدى.
ءبىر ايتا كەتەرلىگى, جەرلەسىمىز وسى جارىستىڭ فينالىنا شىققانى ءۇشىن 31 قازان مەن 7 قاراشا كۇندەرى اقش-تىڭ فورت-ۋەرت قالاسىندا وتەتىن WTA ساناتىنداعى جىلدىڭ ەڭ سوڭعى تۋرنيرىنە قاتىسۋعا مۇمكىندىك الدى. اننا وسى جەتىستىككە قول جەتكىزگەن تاريحتاعى ەكىنشى قازاقستاندىق تەننيسشى اتاندى. بۇعان دەيىن ياروسلاۆا شۆەدوۆا فينالدىق تۋرنيرگە جولداما العان بولاتىن.