تەننيستەن ايەلدەر اراسىنداعى قازاقستاننىڭ ءبىرىنشى, الەمنىڭ 26-راكەتكاسى ەلەنا رىباكينا چەحيانىڭ وستراۆا قالاسىندا وتكەن WTA 500 ساناتىنداعى ءتۋرنيردىڭ جارتىلاي فينالىندا جەڭىلىپ قالدى.
ە.رىباكينا شيرەك فينالدا الەمنىڭ 20-راكەتكاسى چەحيالىق پەترا كۆيتوۆانى ەكى سەتتە – 7:6, 6:4 ەسەبىمەن سۇرىندىرگەنىمەن, جارتىلاي فينالدا تاعى ءبىر چەحيالىق تەننيسشى – باربورا كرەيچيكوۆادان ايلاسىن اسىرا المادى. الەمدىك رەيتينگتە 23-ورىندا تۇرعان كورت يەسى العاشقى پارتيادا جەرلەسىمىزگە ەش قارسىلىق كورسەتە الماي, 6:3 ەسەبىمەن جول بەردى.
ەكىنشى سەتتە ەكى تەننيسشى دە ءوز گەيمدەرىندە ءساتتى ويناپ, بىردە-ءبىر قاتەلىك جاساعان جوق. ال تاي-برەيكتە ب.كرەيچيكوۆانىڭ باعى جانىپ, تارازى باسىن تەڭەستىردى – 7:6 (7:4). ءۇشىنشى, شەشۋشى پارتيادا رىباكيناعا قاراعاندا چەحيالىق سپورتشىدا جەڭىسكە دەگەن قۇلشىنىس انىق بايقالىپ تۇردى. ناتيجەسىندە, باربورا كرەيچيكوۆا ەكى برەيك جاساپ, 6:4 ەسەبىمەن ەلەنادان جەڭىستى ج ۇلىپ الدى.