سلوۆەنيانى سان سوقتىردى

وسى جازدىڭ شىلدە ايىندا تار­تىلعان جەرەبە قورىتىندىسى بو­يىن­شا, قازاقستان قۇراماسى الەم چەم­­پيوناتىنىڭ نەگىزگى ىرىكتەۋ كەزە­ڭىن­دە سلوۆەنيا جانە چەرنوگوريا قۇرا­ما­لارىمەن بەسىنشى توپتا وينايتىنى بەل­گىلى بولدى. جالپى, قازاقستان مەن سلو­ۆەنيا فۋتزالشىلارى بۇگىنگە دەيىن حا­لىقارالىق ويىنداردا ءۇش مارتە كەز­دەسىپ, سونىڭ تەك بىرەۋىندە عانا جەرلەستەرىمىزدىڭ مەرەيى ۇستەم بولعان ەدى. قالعان ەكى كەزدەسۋدە قۇرامالار تەڭ ناتيجەمەن تارقاسقان بولاتىن. ال چەر­نوگوريا قۇراماسىمەن بيىل ءبىرىنشى رەت كەزدەسپەك.

بەسىنشى توپتاعى العاشقى ىرىكتەۋ ويىنى قىركۇيەكتە سلوۆەنيادا ءوتىپ, جەرگىلىكتى فۋتزالشىلار چەرنوگوريادان كەلگەن قارسىلاستارىن 3:1 ەسەبىمەن تىزە بۇكتىردى. ءسويتىپ, ءبىرىنشى جەڭىسىنە جانە العاشقى ءۇش ۇپايىنا قول جەتكىزگەن سلوۆەنيالىقتار قازاقستانعا بەسىنشى توپتىڭ كوشباسشىسى رەتىندە كەلدى.

ەلورداداعى ەسكى قارسىلاستاردىڭ ءتورتىنشى ويىنى تەڭ دارەجەدە ءوتتى دەۋ­گە بولادى. سەبەبى ەكى قۇرامادا دا گول سوعىپ, ەسەپتە العا شىعاتىن بىرنەشە مۇم­كىندىك بولدى. تەك سلوۆەنياعا قارا­عاندا گول سوعاتىن وڭتايلى ءساتتى ءمۇلت جىبەرمەگەن ءبىزدىڭ جىگىتتەر جەڭىسكە جەتىپ, «جەكپە-جەك» سپورت كەشەنىنە جينالعان جانكۇيەرلەردى قۋانىشقا بولەدى. كەزدەسۋدىڭ جەتىنشى مينۋتىندا دۋگلاستىڭ بۇرىشتامادان قوسقان دوبىنان كەيىن البەرت اقبالىقوۆ ويىننىڭ ەسەبىن اشتى – 1:0.

قازاقستان قۇراماسىنىڭ فۋتزالشىلارى ەكىنشى تايمدا دا وتە بەلسەندى ويناعانىمەن, سلوۆەنيا قاقپاسىنا ءبىر دوپتان ارتىق گول سوعا المادى. جەر­لەستەرىمىز ەسەپتى ەسەلەۋگە قانشا تىرىس­سا دا, كوزدەگەن ماقساتىنا جەتە ال­ماي ءبىراز ابىگەرگە ءتۇستى. ماتچتىڭ اياق­تالۋىنا بەس مينۋت قالعاندا سلو­ۆەنيا قۇراماسىنىڭ باس باپكەرى تاۋە­كەلگە بەل بۋىپ, قاقپاشىنىڭ ورنىنا الاڭعا بەسىنشى ويىنشىنى شىعاردى. قار­سىلاستىڭ كەزەكتى ءبىر شابۋىلى ناتيجەسىز اياق­تالىپ, ولار دوپسىز قالعاندا دۋگلاس بوس قالعان قاقپانى ءدال كوزدەپ, ويىننىڭ نۇكتەسىن قويدى – 2:0.

وسىلايشا, قازاقستان قۇراماسى العاشقى ويىندا سلوۆەنيانى جەڭىپ, ءۇش ۇپايمەن بەسىنشى توپتا كوش باستادى. ال ەكى ماتچ وتكىزگەن سلوۆەنيالىقتاردا دا ءۇش ۇپاي بار, بىراق جەكە كەزدەسۋدە جەرلەستەرىمىزدىڭ مەرەيى ۇستەم بول­عان­دىقتان ولار ازىرگە ەكىنشى ورىنعا ءتۇسىپ قالدى. قازاقستان قۇراماسى كەلەسى ويىنىن ەرتەڭ, ياعني 12 قازاندا سىرت الاڭدا چەرنوگوريامەن وتكىزەدى.

ەۋروپا فۋتبول قاۋىمداستىقتارى وداعىنىڭ (ۋەفا) ەرەجەسى بويىنشا, كارى قۇرلىقتاعى الەم چەمپيوناتىنىڭ ىرىكتەۋ باسەكەلەرى بەس ساتىدان تۇرادى. بۇل – ەكىنشى ىرىكتەۋ كەزەڭى. نەگىزگى ىرىكتەۋ ساتىسىندا ەۋروپانىڭ 36 ۇلتتىق قۇراماسى ءۇش-ۇشتەن 12 توپقا ءبولىنىپ, ويناپ جاتىر. توپتىق كەزەڭنىڭ ويىندارى 2022 جىلدىڭ 12-21 قىركۇيەگى, 3-12 قازانى, 6-9 قاراشاسى جانە 2023 جىلدىڭ 27 اقپانى مەن 8 ناۋرىزى ارالىعىنا جوسپارلانعان.

توپتىق كەزەڭدە باق سىنايتىن قۇرا­مالار ءبىر-بىرىمەن ۇيدە جانە سىرت الاڭدا ءبىر-ءبىر ويىن وتكىزەدى. ناتي­جەسىندە, ءار توپتىڭ جەڭىمپازدارى مەن ەكىنشى ورىن العان ءتورت ۇزدىك كوماندا ەليتالى كەزەڭگە تىكەلەي جولداما الادى. ال ەكىنشى ورىن يەلەنگەن قالعان سەگىز كوماندا 2023 جىلدىڭ 10-19 ءساۋىر ارالىعىندا وتپەلى ويىندار ارقىلى تاعى ءتورت جولدامانى ساراپقا سالادى. ءسويتىپ, ىرىكتەۋدىڭ ەليتالى كەزەڭىنە 20 قۇراما قاتىسىپ, ولار ءتورت-تورتتەن بەس توپقا ءبولىنىپ وينايدى. ءار توپتا جەڭىمپاز اتانعان قۇراما الەم چەمپيو­ناتىنا جولداما السا, ەكىنشى ورىن العان قۇرامالار ءبىر-بىرىمەن ويناپ, قوسىمشا ەكى جولداماعا تالاساتىن بولادى.