قازاقستان فۋتبول فەدەراتسياسىنىڭ باس حاتشىسى ولجاس ابراەۆ ۋەفا چەمپيوندار ليگاسىنىڭ توپتىق كەزەڭىندەگى يتاليالىق «ينتەر» جانە يسپانيالىق «بارسەلونا» اراسىنداعى ويىننىڭ دەلەگاتى بولىپ تاعايىندالدى, دەپ حابارلايدى Egemen.kz قازاقستان فۋتبول فەدەراتسياسىنا سىلتەمە جاساپ.
ويىن 4 قازاننان 5 قازانعا قاراعان ءتۇنى استانا ۋاقىتىمەن 1:00-دە وتەدى.
ۋەفا دەلەگاتى – ماتچتى ۇيىمداستىرۋعا جاۋاپتى, قاۋىپسىزدىك سۇراقتارى مەن جارىستىڭ ءتارتىبىن ساقتاۋدى باقىلايتىن ۋەفا-نىڭ رەسمي وكىلى.
ولجاس ابراەۆ 2013 جىلدان باستاپ ۋەفا ماتچتارىنىڭ دەلەگاتى قىزمەتىن اتقارىپ كەلەدى. ال 2016 جىلدان باستاپ فيفا ماتچتارىنىڭ كوميسسارى, سونىمەن قاتار ۋەفا-نىڭ ماركەتينگ بويىنشا كونسۋلتاتيۆتى كەڭەسىنىڭ مۇشەسى.