دۇنيەجۇزىلىك كوشپەندىلەر ويىندارىندا قازاق سپورتشىلارى كوكپاردان چەمپيون اتاندى

كوكپار كوشپەندىلەر ويىندارىنىڭ باعدارلاماسىنا تۇڭعىش رەت ەنىپ وتىر, وسىعان دەيىن شاباندوزدار كوكبورى ويناعان بولاتىن.

كوكپاردان قازاقستان, قىرعىزستان, تۇركيا, موڭعوليا, وزبەكستان, اۋعانستان, ۆەنگريا كوماندالارى كەلدى. اۋعانستان اتتارىنىڭ ماسەلەسى شەشىلمەۋىنە بايلانىستى ويىن كورسەتە المادى.

كوكپاردان قازاقستان قۇراماسى العاشقى ويىندى وزبەكستانمەن ويناپ, 8-1 ەسەبىمەن جەڭىسكە جەتتى.

ەكىنشى ويىندى موڭعوليا قۇراماسىمەن ويناپ, 12-2 ەسەپ ايىرماشىلىعىمەن فينالعا شىقتى.

فينالدا قىرعىزستاننىڭ كومانداسىمەن ويناعان قۇراما جوعارى دارەجەدەگى ويىن ۇلگىسىن كورسەتتى.

ۇلتتىق قۇراما مۇشەلەرى ۇ.بايتورەەۆ, ا.نىشانبەكوۆ, ق.تۇرعانبەك, ا.جامالبەكوۆ, ق.توعايباەۆ, ە.قۇرمانباي, ب.ازىمباەۆ, ي.ءرات, د.ايتان, ا.بەردىقۇل, ى.الىپباەۆ, ءا.مامىت ەل نامىسىن ابىرويمەن قورعادى!

قىرعىز شەڭبەرىنە ادىلەت مامىت 2 سالىم, قۇرمانبەك تۇرعانبەك 1 سالىم, ابىلايحان نىشانبەكوۆ 1 سالىم سالدى.

ۇلتتىق سپورت جانكۇيەرلەرىنىڭ ءۇمىتىن اقتاعان ۇلتتىق قۇراما مۇشەلەرىن شىن جۇرەكتەن قۇتتىقتايمىز!