«قازگيدرومەت» سينوپتيكتەرىنىڭ مالىمەتىنشە, 27-29 قىركۇيەكتە ەلىمىزدە قار ارالاس جاڭبىر جاۋادى, دەپ حابارلايدى Egemen.kz.
«27 قىركۇيەكتە سۋىق انتيتسيكلون شىعىس باعىتتا بەلسەندى قوزعالاتىن سولتۇستىك-باتىس تسيكلوننىڭ ارتىنا تارالادى. ونىڭ كەلۋىمەن رەسپۋبليكانىڭ سولتۇستىك, ورتالىق جانە شىعىس وڭىرلەرىندە جاڭبىردىڭ قارعا, كوكتايعاققا, تۇمانعا كوشۋى جانە اۋا تەمپەراتۋراسىنىڭ مينۋس ماندەرىنە دەيىن تومەندەۋى كۇتىلۋدە. ەلىمىزدىڭ وڭتۇستىك-باتىسىندا, وڭتۇستىگىندە شاڭدى داۋىل تۇرادى», دەلىنگەن حابارلامادا.
بولجام بويىنشا, ەلىمىزدىڭ سولتۇستىك ايماقتارىندا تەرمومەترلەردىڭ تۇنگى كورسەتكىشتەرى -1-دەن -6°C-قا دەيىن تومەندەيدى, كۇندىز اۋا +1-دەن +6°C-قا دەيىن ازداپ قىزادى, رەسپۋبليكانىڭ وڭتۇستىك جانە باتىس وڭىرلەرىندە كۇندىز تەرمومەتر باعاندارى +15-تەن +23°C-قا دەيىن كوتەرىلەدى.