سولتۇستىك-باتىس تسيكلونى قازاقستاننىڭ باتىس وبلىستارىنا, ودان كەيىن شىعىسقا قاراي جىلجىپ, ەلىمىزدىڭ قالعان بولىگىنە اسەر ەتىپ, جاڭبىر جاۋادى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
«25 قىركۇيەكتە باتىستا, 26 قىركۇيەكتە سولتۇستىك-باتىستا جانە سولتۇستىكتە قاتتى جاڭبىر جاۋىپ, نايزاعاي ويناپ, جەل كۇشەيىپ, بۇرشاق جاۋى مۇمكىن. كەلەسى اپتانىڭ باسىندا سولتۇستىك قازاقستان وبلىسىندا جاۋىن-شاشىن كۇتىلەدى (جاڭبىردىڭ قارعا اۋىسۋى). قازاقستاننىڭ وڭتۇستىك-شىعىسىندا تەك تاۋلى جانە تاۋ بوكتەرىندەگى ايماقتاردا عانا نايزاعاي ويناپ, قىسقا مەرزىمدى جاڭبىر جاۋادى», دەلىنگەن سينوپتيكتەردىڭ حابارلاماسىندا.
رەسپۋبليكانىڭ باتىسىندا كۇندىز 22-33 گرادۋس, ال تۇندە 9-22 گرادۋس جىلى. سولتۇستىك-باتىستا 25-32 جىلىدان 10-23 گرادۋسقا دەيىن جىلى, سولتۇستىكتە 23-30 جىلىدان 5-20 گرادۋسقا دەيىن جىلى بولادى. قىزىلوردا وبلىسىندا 30-35-تەن 17-25-كە دەيىن ىستىق اۋا رايى ساقتالادى. رەسپۋبليكانىڭ وڭتۇستىك-شىعىسىندا جانە شەتكى وڭتۇستىگىندە اۋا تەمپەراتۋراسى 25-35 گرادۋس ىستىق شاماسىندا ساقتالادى.