ءجاميلا باقبەرگەنوۆا مەن ازامات داۋلەتبەكوۆ ەركىن كۇرەستەن الەم كۋبوگىندا ونەر كورسەتۋ مۇمكىندىگىنە يە بولدى. بۇل تۋرالى قازاقستاننىڭ كۇرەس فەدەراتسياسى ءوزىنىڭ Instagram پاراقشاسىندا حابارلادى, دەپ جازادى Egemen.kz.
10-11 جەلتوقساندا اقش-تا ەركىن كۇرەستەن جانە ايەلدەر كۇرەسىنەن الەم كۋبوگى وتەدى. الەم چەمپيوناتىنىڭ رەيتينگى بويىنشا بەس ۇزدىك كوماندا كۋبوكقا جولداما الادى. التىنشى كوماندا - جۇلدىزدار توبى. بۇل توپتىڭ قۇرامىن بىرىككەن كۇرەس الەمى (UWW) شەشەدى.
ايتا كەتسەك, چەمپيوناتتىڭ جۇلدە قورى 100 مىڭ شۆەيتسار فرانكىن قۇرايدى. ءبىرىنشى ورىن العان كوماندا ۇتىستىڭ 70%-ىن, ەكىنشى كوماندا 20%-ىن, ءۇشىنشىسى 10% الادى.