قازاقستاندا تۋريستىك سالانى دامىتۋدىڭ جاڭا تۇجىرىمداماسى ازىرلەندى

تۇجىرىمداما بويىنشا تۋريزم يندۋسترياسى باسەكەگە قابىلەتتى بيزنەسى بار باسىم تۋريستىك اۋماقتاردا داميدى. ونىڭ نەگىزىن ىشكى جانە شەتەلدىك تۋريستەر ءۇشىن تارتىمدى تۋريستىك ونىمدەردى ۇسىناتىن بىلىكتى قىزمەتكەرلەر قۇرايدى.

ءتۋريزمدى دامىتۋدىڭ نەگىزگى قاعيداتتارى مەن تاسىلدەرى:

تۇجىرىمداما كولىك ينفراقۇرىلىمىن دامىتۋدى, اۆتوموبيل قاتىناسى مەن تۇراقتى قالالىق كولىكتىڭ قولجەتىمدىلىگىن, اۋە جانە تەمىرجول قاتىناسىن دامىتۋدى, شەكارالىق وتكىزۋ پۋنكتتەرىنىڭ ينفراقۇرىلىمىن, سۋمەن جابدىقتاۋدى جانە سۋ بۇرۋدى قوسا العاندا, ەلدىڭ تۋريستىك دەستيناتسيالارىن كەشەندى دامىتۋ مەن اباتتاندىرۋدى قامتيدى. تۋريستىك ينفراقۇرىلىمدى (كولىك حابتارى, اۋەجايلار, تەمىرجول ۆوكزالدارى, جەرگىلىكتى ماڭىزى بار اۆتوموبيل جولدارى, ەلدى مەكەندەردەن تىس ورنالاسقان وبەكتىلەرگە كىرمە جولدار, جول بويىنداعى سەرۆيس, سانيتاريالىق-گيگيەنالىق توراپتار) دامىتۋ ۇسىنىلادى. قازاقستاننىڭ تابيعي, تاريحي-مادەني, ەتنوستىق ارتۇرلىلىگى مەن گاسترونومياسىنىڭ ەرەكشەلىكتەرىن ەسكەرە وتىرىپ, تۋريستىك دەستيناتسيالاردىڭ اينالاسىندا ساپالى جانە تەڭتۇپنۇسقالى تۋريستىك ونىمدەردى جاساۋ, سونداي-اق ەلدىڭ كيەلى وبەكتىلەرىنىڭ «كيەلى گەوگرافيا» مادەني-گەوگرافيالىق كارتاسى ازىرلەنەدى.

تۇجىرىمدامانى ىسكە اسىرۋ كەزىندە تۋريستىك سالاداعى وزەكتى ماسەلەلەردى شەشۋگە باسا نازار اۋدارىلادى.

مەملەكەت ستراتەگيالىق قۇجاتتاردى جەڭىلدىكپەن قارجىلاندىرۋدى, ينۆەستيتسيالىق كەلىسىمشارتتار جاساسۋ كەزىندە ينۆەستيتسيالىق پرەفەرەنتسيالاردى ءبولۋ, جەر, ينفراقۇرىلىمدىق جانە وزگە دە پروبلەمالىق ماسەلەلەردى مەملەكەتتىك ورگاندارمەن شەشۋ بولىگىندە ينۆەستيتسيالىق جوبالاردى ىسكە اسىرۋعا قاتىسادى دەپ بولجانۋدا.

ءوز كەزەگىندە كاسىپكەرلەر تابيعي اۋماقتار اۋماعىندا تۋريستىك سالا جوبالارىن ىسكە اسىرۋ شەڭبەرىندە جەڭىلدەتىلگەن نەسيە الۋعا ۇمىتكەر بولا الادى.

ۇلتتىق پاركتەردە ەكولوگيالىق تۋريزم جونىندەگى جوبالاردى تابىستى ىسكە اسىرۋ ءۇشىن زاكىرلىك ينۆەستورلارمەن جۇمىس جالعاسادى.

تۇجىرىمداما جوباسى ينۆەستيتسيالاردى جوسپارلاۋ قاعيداتىن ەنگىزۋدى دە كوزدەيدى. وسىلايشا, تۋريستىك مارشرۋتتاردى تۇگەندەۋ جانە تۋريستىك ينفراقۇرىلىمنىڭ دامۋىن رەيتينگتىك باعالاۋ بويىنشا وڭىرلەردە جۇرگىزىلگەن جۇمىستار ناقتى وبەكتىلەرگە قاجەتتىلىكتى انىقتاۋعا مۇمكىندىك بەرەدى جانە تۋريستىك دەستيناتسيالاردى ودان ءارى دامىتۋعا باعىتتالعان ينۆەستورلار ءۇشىن نەگىزدەلگەن جانە كەشەندى ۇسىنىستار قالىپتاستىرۋ كوزى بولادى.

بولجامدىق ەسەپتەۋلەرگە سايكەس, 2026 جىلعا قاراي كاسىپكەرلەردى جاڭا شارالارمەن جالپى قامتۋ كەمىندە 2,5 مىڭ بىرلىككە جەتەدى.

سونداي-اق قۇجات وڭىرلىك ءتۋريزمدى دامىتۋ ءۇشىن شاعىن, ورتا جانە ءىرى «زاكىرلىك» ينۆەستيتسيالىق جوبالاردى ىسكە اسىرۋعا جەكە كاپيتالدى تارتۋدى كوزدەيدى.

باسىم اۋماقتار رەتىندە ماڭعىستاۋ وبلىسى, تۇركىستان وبلىسى, الماتى تاۋ كلاستەرى جانە باسقالارى سياقتى تۋريستىك دەستيناتسيالار ارەكەت ەتەدى.

سونىمەن قاتار 2026 جىلعا دەيىن قازاقستان قوناق ۇيلەرىنىڭ 95%-دان استامىن ەلگە كەلگەن كەمىندە 250 مىڭ شەتەلدىك كەلۋشى تىركەلەتىن ە-Qonaq (e-Hotel) اقپاراتتىق جۇيەسىمەن قامتاماسىز ەتۋ جوسپارلانۋدا.

سونداي-اق تۋريزم سالاسى قىزمەتكەرلەرىنىڭ بىلىكتىلىگىن ارتتىرۋ بويىنشا جۇمىستار جۇرگىزۋ, تاجىريبەلى جەرگىلىكتى جانە حالىقارالىق ساراپشىلاردى, ونىڭ ىشىندە ونلاين فورماتتا تارتا وتىرىپ, وقىتۋ ءىس-شارالارىن, ترەنينگتەر, تاعىلىمدامالار, ماستەر-كلاستار, بىلىكتىلىكتى ارتتىرۋ كۋرستارىن وتكىزۋ جوسپارلانۋدا.

تۋريستىك ونىمدەردى دامىتۋ بويىنشا, ونىڭ ىشىندە MICE تۋريزم, تۋريستىك قىزمەتتەر ساپاسىنىڭ ستاندارتتارى جانە باسقالارى بويىنشا تۋريستىك بيزنەس سۋبەكتىلەرى ءۇشىن ارنايى باعدارلامالار ازىرلەنەدى دەپ كۇتىلۋدە.

ماسەلەن, 2026 جىلعا قاراي قۇزىرەتتەردى دامىتۋ جونىندەگى ءىس-شارالارمەن تۋريزم سالاسىندا كەمىندە 5,5 مىڭ جۇمىسپەن قامتىلۋدى قامتاماسىز ەتۋ جوسپارلانۋدا.

تۇجىرىمدامانى قابىلداۋ وتاندىق تۋريستىك سالانى ءتيىمدى دامىتۋ ءۇشىن قاجەتتى جاعدايلار جاساۋعا جانە 2026 جىلى ءجىو قۇرىلىمىنداعى 8,2%-دىق ۇلەس بويىنشا ماقساتقا قول جەتكىزۋگە مۇمكىندىك بەرەدى دەپ بولجانۋدا.

ايتا كەتسەك, قازاقستان رەسپۋبليكاسىنىڭ تۋريستىك سالاسىن دامىتۋدىڭ 2023 جىلعا دەيىنگى تۇجىرىمداماسىنىڭ جانە قازاقستان رەسپۋبليكاسىنىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىنىڭ كۇشى جويىلدى دەپ تانىلدى.

قۇجات 23 قىركۇيەككە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.