الماتى وبلىسىنىڭ «تامعالى-تاس» شاتقالىندا ورنالاسقان «جارتاستى قالا – استانا» وقۋ-جاتتىعۋ پوليگونىندا توتەنشە جاعدايلار مينيسترلىگىنىڭ ۇيىتقى بولۋىمەن «قازقۇتقارۋ-2022» كەشەندى تاكتيكالىق وقۋ-جاتتىعۋدىڭ سالتاناتتى اشىلۋى ءوتتى.
كەشەندى تاكتيكالىق وقۋ-جاتتىعۋلار ىزدەستىرۋ جانە اۆاريالىق-قۇتقارۋ جۇمىستارىن جۇرگىزۋ داعدىلارىن جەتىلدىرۋ, اۆاريالىق-قۇتقارۋ قۇرالدارى مەن تەحنيكاسىن پايدالانۋدىڭ وزىق ادىستەرىن مەڭگەرۋ, ىزدەستىرۋ-قۇتقارۋ جۇمىستارىن جۇرگىزۋ تاجىريبەسىمەن الماسۋ, جارىسقا قاتىسۋشىلاردىڭ كاسىبي دايارلىعىن جەتىلدىرۋ جانە دەنە دايارلىعىن تەكسەرۋ ماقساتىندا وتكىزىلەدى.
جارىس «تەحنوگەندى اپاتتار جاعدايىنداعى ىزدەستىرۋ-قۇتقارۋ جۇمىستارى», «اكۆاتورياداعى ىزدەستىرۋ-قۇتقارۋ جۇمىستارى», «تابيعي ورتا جاعدايىنداعى ىزدەستىرۋ-قۇتقارۋ جۇمىستارى», «ورتاشا قيىلىسقان جەرلەر بويىنشا كوماندالىق ەستافەتا» جانە «بەلتەمىردەگى كەشەندى كۇشتىك جاتتىعۋ» 5 ديستانتسيالارىنان ءوتۋدى قامتيدى.
توتەنشە جاعدايلاردى جويۋ دەپارتامەنتىنىڭ باسشىسى قاحارمان ءورازاليننىڭ باسشىلىعىمەن وتكەن جارىستىڭ سالتاناتتى اشىلۋىنا الماتى وبلىسى اكىمى, قۇتقارۋ بولىمشەلەرى, سونداي-اق مينيسترلىكتىڭ ازاماتتىق قورعانىس اسكەري بولىمدەرىنىڭ اسكەري قىزمەتشى-قۇتقارۋشىلارىنىڭ كوماندالارى قاتىستى.
جارىستىڭ ءبىرىنشى كۇنى قاتىسۋشىلار «ويلى-قىرلى جەرلەر بويىنشا كوماندالىق ەستافەتا» قۇتقارۋ كوپسايىسى بويىنشا قاشىقتىقتاردان ءوتتى. تجم جەدەل-قۇتقارۋ جاساقتارى اراسىندا قۇتقارۋشىلاردىڭ ۇزدىك كوماندالارىن, سونداي-اق تابيعي جانە تەحنوگەندىك سيپاتتاعى توتەنشە جاعدايلارعا ءتان كەدەرگىلەرى بار قاشىقتىقتاردى ءوتۋ بارىسىندا ۇزدىك شىققان ازاماتتىق قورعانىس اسكەري بولىمدەرىنىڭ اسكەري قىزمەتشى-قۇتقارۋشىلار كوماندالارىن كوپسايىس بويىنشا جارىستاردىڭ باس تورەشىلەر القاسى انىقتايدى.
سونداي-اق حالىقارالىق ازاماتتىق قورعانىس ۇيىمىنىڭ قولداۋىمەن قىرعىز رەسپۋبليكاسى, تاجىكستان رەسپۋبليكاسى, رەسەي فەدەراتسياسى جانە وزبەكستان رەسپۋبليكاسى توتەنشە ۆەدومستۆولارىنىڭ كينولوگيالىق قىزمەتتەرى ءۇشىن شەبەرلىك ترەنينگ وتكىزىلەدى.
بۇدان باسقا, توتەنشە جاعدايلاردى جويۋ اۋماقتىق باسقارمالارى مەن بولىمدەرىنىڭ باسشىلارى اراسىندا وقۋ-ادىستەمەلىك سەمينار وتكىزۋ جوسپارلانعان. جارىس قورىتىندىسى 17 قىركۇيەكتە شىعارىلادى.