قر ۇلتتىق ەكونوميكا ءمينيسترى الىبەك قۋانتىروۆ وكق بريفينگىندە «ۇلتتىق قور - بالالارعا» جوباسى بويىنشا اتا-انالار بالانىڭ بولاشاق قاراجاتىن باسقارا الا ما دەگەن سۇراققا جاۋاپ بەردى, دەپ حابارلايدى Egemen.kz.
ۆەدومستۆو باسشىسى كامەلەتكە تولعان جاس جىگىت نەمەسە بويجەتكەن قاراجاتتى پايدالانىپ, ولاردى ءبىلىم الۋعا نەمەسە جىلجىمايتىن م ۇلىك ساتىپ الۋعا جۇمساي الاتىنىن اتاپ ءوتتى.
«ۇلتتىق قوردان جىلىنا ءبىر رەت ەلىمىزدىڭ بارلىق بالالارىنىڭ ارنايى شوتتارىنا ينۆەستيتسيالىق تابىستىڭ 50%-ى تۇسەدى. بۇل بالانىڭ عانا مەنشىگى بولادى», دەپ جاۋاپ بەردى ول.
سونداي-اق مينيستر بالالارعا ارنايى شوتتاردى كىم اشاتىنىن دا اتاپ ءوتتى.
«بۇنىڭ مەحانيزمى قازىر ءتيىستى مەملەكەتتىك ورگاندارمەن بىرگە تالقىلانۋدا. بىراق مەن بالا تۋىلعان كەزدە شوتتار اۆتوماتتى تۇردە اشىلادى دەپ ايتا الامىن. دەرەكتەر بازاسىندا ءتيىستى اقپارات بار», دەدى الىبەك قۋانتىروۆ.
قر ۇەم باسشىسىنىڭ ايتۋىنشا, دەرەكتەر تىكەلەي ادىلەت مينيسترلىگىنىڭ دەرەكتەر بازاسىنان تۇسەدى.
«بالا تۋىلعان كەزدە, دەرەكتەر ادىلەت مينيسترلىگىنەن شوت اشاتىن ۋاكىلەتتى وپەراتورعا تۇسەدى. قازىر بۇل قاراجاتقا سالىق سالىنا ما, جوق پا ازىرگە بەلگىسىز. بۇل ماسەلە تالقىلانۋدا», دەدى مينيستر.