قارجى ۆيتسە-ءمينيسترى تاتيانا ساۆەلەۆا قازاقستاندا مەرزىمىنەن بۇرىن وتەتىن پرەزيدەنتتىك سايلاۋعا شامامەن قانشا قارجى جۇمسالاتىنىن ايتتى, دەپ حابارلايدى Egemen.kz.
جۋرناليستەر قارجى ۆيتسە-ءمينيسترى تاتيانا ساۆەلەۆاعا مەرزىمىنەن بۇرىن وتەتىن پرەزيدەنت جانە پارلامەنت سايلاۋىنا قانشا قارجى كەتەتىنىن سۇراعان.
ۆيتسە-ءمينيستردىڭ جاۋابى الەۋمەتتىك جەلىدە كەڭىنەن تارادى.
تاتيانا ساۆەلەۆا بۇعان دەيىن پرەزيدەنتتىك سايلاۋدى وتكىزۋ 2024 جىلعا جوسپارلانعانىن جانە تيىسىنشە بۇل ءۇشىن قاراجات 2024 جىلعا ارنالعان بيۋدجەتتە بەلگىلەنگەنى جايلى ايتتى.
«وزگەرىستەر مەن جاڭا تاپسىرمالاردى ەسكەرە وتىرىپ, بيىلعى جىلى قاراجات پرەزيدەنتتىك سايلاۋعا ارنالعان ۇكىمەت رەزەرۆىنەن بولىنەدى. قازىر وسك ەسەپتەۋلەر جۇرگىزىپ جاتىر. ولاردى جۇرگىزۋ ءۇشىن شامامەن 20 ملرد تەڭگە قاجەت بولادى», دەپ حابارلادى ۆيتسە-مينيستر.
ول سونداي-اق پارلامەنتتىك سايلاۋدى وتكىزۋگە تاعى 25 ملرد تەڭگە قاجەت بولاتىنىن ايتتى.
«جالپى پرەزيدەنتتىك جانە پارلامەنتتىك سايلاۋعا شامامەن 45 ملرد تەڭگە كەتەدى», دەپ تۇيىندەدى تاتيانا ساۆەلەۆا.