الماتىدا سينتەتيكالىق ەسىرتكىنىڭ ءىرى پارتياسى تاركىلەندى, دەپ حابارلايدى Egemen.kz.
پوليتسيا قىزمەتكەرلەرى تۇراقتى ەسىرتكى تاسىمالداۋشىنى ۇستادى. سوت-حيميالىق ساراپتامانىڭ قورىتىندىسى بويىنشا قىلمىسكەر تاسىمالداعان بىرنەشە مەكەنجايدان 1 كەلىدەن استام سينتەتيكالىق ەسىرتكى تاركىلەندى.
«37 جاستاعى ي. ەسىمدى كۇدىكتى ازامات ءۇش مەكەنجايعا بەتبەلگى قويۋ بارىسىندا ۇستالدى. يزولەنتاعا ورالعان ەسىرتكى زاتتارى بىردەن تاركىلەندى. سونىمەن قاتار كۇدىكتىنىڭ تولستوي كوشەسىندەگى جالدامالى پاتەرى دە تەكسەرىلدى. ناتيجەسىندە اس ۇيدەگى سورەدەن جاسىل جانە اق ءتۇستى ۇنتاقتى زاتى بار 40 بايلام انىقتالدى. سونداي-اق زالدان قوراپ تابىلدى, ونىڭ ىشىندە ۇنتاقتى زاتى بار 331 بۋما بولدى. سامالدىقتان قىزىل, كوك, اق جانە جاسىل ءتۇستى تۇيىرشىكتەر مەن ىشىندە ۇنتاق تۇرىندەگى زاتى بار 5 پلاستيك ىدىس تابىلدى. ساراپتاما بايلامدار مەن ىدىستارعا سينتەتيكالىق ەسىرتكى ورالعانىن انىقتادى. اتالعان ءىس قر قىلمىستىق كودەكسىنىڭ 297-بابىنىڭ 3-بولىگىمەن سارالاندى. قىلمىسكەر ۋۇي-عا قاماۋعا الىندى.الماتىدا ەسىرتكى تاراتقان ورىننىڭ ناقتى ارناسى انىقتالادى. قازىر كۇدىكتى سينتەتيكالىق ەسىرتكىنى ينتەرنەت ارقىلى العانىن ايتىپ وتىر.