ەلوردادا قورشاعان ورتانى قورعاۋ جانە تابيعاتتى پايدالانۋ باسقارماسى مەردىگەر ۇيىممەن بىرلەسىپ دەراتيزاتسيالاۋ ءىس-شارالارىنىڭ كۇزگى تۋرىن باستادى, دەپ حابارلايدى Egemen.kz قالا اكىمدىگىنىڭ سايتىنا سىلتەمە جاساپ.
اكىمدىك وكىلدەرى اتاپ وتكەندەي, 2022 جىلعى 5-25 قىركۇيەك ارالىعىندا قالاداعى جايىلمالار مەن وزەن ارنالارى, سكۆەرلەر, سۋ ايدىندارى مەن ساياباقتار سياقتى اشىق اۋماقتارعا وڭدەۋ جۇرگىزىلەدى.
«26 قىركۇيەكتەن باستاپ 25 مىڭنان استام ءۇيدى قامتيتىن جەكە سەكتور وڭدەلىپ, ولارعا ۋلى زاتتار تاراتىلادى. ۋلى پرەپاراتتار قازاقستاندا قولدانۋعا رۇقسات ەتىلگەن پرەپاراتتاردى قامتيتىنىن اتاپ ءوتۋ كەرەك», دەدى نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ جەتەكشى مامانى ماديار نارىمبيەۆ.