قوستانايداعى اعايىننىڭ باسىنا تۇسكەن قيىن جاعدايدى, اسىرەسە ارىس قالاسى مەن ماقتاارال اۋدانىنىڭ جۇرتشىلىعى اۋىر كۇيزەلىسپەن قابىلدادى. ولاي دەيتىنىمىز, بىرىندە وق-ءدارى قويماسى جارىلىپ, ەكىنشىسىندە سۋ تاسقىنى بولعاندا تۇرعىندار توتەنشە جاعدايدى باستان كەشكەن-ءدى.
ارىس قالاسىندا 2019 جىلى بولعان تەحنوگەندىك سيپاتتاعى توتەنشە جاعدايدا قالانى قالپىنا كەلتىرۋدە قول ۇشىن سوزعان قوستانايلىق اعايىننىڭ يگى ءىسىن ۇمىتپاعان ارىستىقتار زارداپ شەككەن تۇرعىندارعا كومەك كورسەتۋ ماقساتىندا اقشالاي, ازىق-ت ۇلىك, كيىم جانە ەڭ قاجەتتى زاتتار جيناۋدا. ولاردىڭ قاتارىندا قاراپايىم ازاماتتار دا, شاعىن بيزنەس وكىلدەرى دە بار.
ارىس حالقى ءبىر كۇندە 3 توننا ۇن, 100 ادامعا لايىقتالعان توسەك جابدىقتارى, 1 توننا ماكارون, 500 ليترگە جۋىق وسىمدىك مايى, 10 توننا اۋىز سۋ, توننا كارتوپ جانە 1 توننا ءسابىز, 3 توننا پياز, 1 اۋىر جۇك كولىك قاۋىن, جارتى توننا ورامجاپىراق سەكىلدى تەز بۇزىلمايتىن ازىق-ت ۇلىك ونىمدەرى, گيگيەنا قۇرالدارى جانە ءبىرىنشى كەزەكتەگى قاجەتتى زاتتاردى قوستاناي وبلىسىنا جونەلتتى. سونداي-اق ماقتاارال اۋدانىنىڭ اكىمى باقىت اسانوۆتىڭ باستاماسىمەن ماقتاارالدىقتار ءبىر ءتۇننىڭ ىشىندە ورتتەن زارداپ شەككەن قوستانايلىقتار ءۇشىن جيناعان 23 توننادان استام گۋمانيتارلىق كومەك تيەگەن ۇلكەن جۇك كولىگى الىس جولعا اتتاندى. از ۋاقىتتىڭ ىشىندە قوستانايلىقتاردىڭ سۇرانىسىنا ساي ەڭ ءبىرىنشى قاجەتتى ازىق-ت ۇلىك ونىمدەرىن, گيگيەنالىق زاتتار مەن توسەك-ورىن جابدىقتارى جينالعان. «ماقتاارالدىقتار تاسقىن سۋدان زارداپ شەككەندە بۇكىل قازاقستان حالقىنىڭ, ونىڭ ىشىندە قوستانايلىقتاردىڭ كومەگىن ۇمىتقانىمىز جوق. مىنە, بۇگىن قوستانايلىق باۋىرلارىمىزدىڭ باسىنا تۇسكەن قايعى-قاسىرەتتى ءبولىسۋ ءۇشىن ەڭ العاشقىلاردىڭ ءبىرى بولىپ گۋمانيتارلىق كومەكتى جىبەرىپ وتىرمىز. ءبىزدىڭ كۇشىمىز – بىرلىكتە. بىرىكسەك قانا بۇل قيىندىقتى دا جەڭە الامىز», دەيدى ماقتاارالدىقتار.
قوستاناي وبلىسىنداعى ورتتەن جاپا شەككەن تۇرعىندارعا كومەكتەسۋ نيەتىندە وبلىس اكىمدىگىنىڭ مەملەكەتتىك قىزمەتشىلەرى 1 كۇندىك جالاقىلارىن اۋدارسا, كاسىپكەرلەر دە قارجىلاي كومەكتەرىن كورسەتۋدە. العاشقى كۇنى 70 ملن تەڭگە قوستاناي وبلىسىنا كومەك رەتىندە جينالدى. وبلىستا بىرنەشە گۋمانيتارلىق كومەك قابىلداۋ پۋنكتتەرى اشىلعان. قازاقستان حالقى اسسامبلەياسىنىڭ اۋدان-قالاداعى فيليالدارى دا كومەك كورسەتۋدە بەلسەندىلىك تانىتۋدا. سونداي-اق 17 اۋدان, قالالىق «جاستار رەسۋرستىق ورتالىقتارى» عيماراتتارىندا گۋمانيتارلىق كومەك جيناقتالۋدا. گۋمانيتارلىق كومەكتىڭ العاشقى لەگى جونەلتىلىپ ۇلگەرگەن. جۋىق ارادا قوسىمشا تاعى دا 20 توننالىق 2-3 جۇك كولىگى قوستاناي وبلىسىنا جىبەرىلەدى.
تۇركىستان وبلىسى