وتەۋسىز گرانت – وركەندەۋگە جولداما

كاسىپكەرلەرگە بەرىلەتىن 5 ملن تەڭگە گرانتقا كىمدەر ۇمىتكەر بولا الادى؟ وڭىر­­­­لىك كاسىپ­كەرلىك جانە يندۋستريالىق-يننوۆا­تسيالىق دامۋ باسقارماسىنىڭ ءبولىم باسشىسى دارحان ەرماعامبەتوۆ ەڭ اۋەلى بۇل قولداۋ 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە ىسكە اسىپ وتىرعانىن, مەملەكەتتىك گرانتقا ەكونوميكانىڭ باسىم سەكتورلارىنداعى شاعىن كاسىپكەرلىك سۋبەكتىلەرى, ونىڭ ىشىندە ءىسىن جاڭا باستا­عان جاس كاسىپكەرلەر وتەۋسىز نەگىزدە يە بولا الاتىنىن جەتكىزدى. جاڭا بيزنەس-يدەيالاردى ىسكە اسىرۋعا مەملەكەتتىك گرانتتار بەرۋ قاعيدالارىنا سايكەس, اگروونەركاسىپتىك كەشەن, جەڭىل ونەركاسىپ جانە جيھاز ءوندىرىسى, قۇرىلىس ماتەريالدارى جانە وزگە دە مەتالل ەمەس مينەرالدى ونىمدەر ءوندىرىسى, مەتاللۋرگيا, مەتالل وڭدەۋ, ماشينا جاساۋ, كولىك جانە قويمالاۋ, تۋريزم, اقپارات جانە بايلانىس, عىلىمي جانە تەحنيكالىق قىزمەت, ءبىلىم بەرۋ, ونەر, ويىن-ساۋىق جانە دەمالىس, وزگە دە كورسەتىلەتىن قىزمەت تۇر­لەرىن ۇسىنۋ سالالارىنان بيزنەس اشقان ازاماتتار قاتىسا الادى.

– گرانتقا ۇمىتكەر بولۋ ءۇشىن كاسىپكەرلىك نىسانىنداعى جۇمىسشىلار سانى تۋرالى انىق­تاما, ۇلتتىق جوبا شەڭبەرىندە كاسىپكەر­دىڭ وقۋدان وتكەنىن راستايتىن, مەرزىمى 2 جىل­­دان اسپايتىن سەرتيفيكات, بەرىلەتىن مەم­­لە­كەتتىك گرانت كولەمىنەن كەمىندە 10% مول­شە­رىندە قاراجاتتىڭ بار ەكەنىن راستايتىن بانك­­تىك قۇجاتتار, بانك شوتىنان ءۇزىندى كو­شىر­­مە نەمەسە بيزنەس-جوباعا قاتىساتىن جىل­­جىمالى جانە جىلجىمايتىن م ۇلىكتىڭ باعا­­لاۋ قۇنىن راستايتىن قۇجاتتار (حالىقتىڭ الەۋ­­مەتتىك وسال توپتارىن, ونىڭ ىشىندە 3-توپ­تاعى مۇگەدەكتىكتى قوسپاعاندا) بولۋعا ءتيىس. بار­­لىق قۇجات ەلەكتروندى تۇردە Qoldau.kz پور­­تالى ارقىلى قابىلدانادى, – دەيدى د.ەرماعامبەتوۆ.

كاسىپكەر Qoldau.kz پورتا­لىندا ەلەك­تروندى ءوتىنىمدى تولتىرىپ, قاجەتتى قۇجاتتاردى جۇك­تەيدى. كەيىن ءوزىنىڭ بيزنەس-جوباسىن كون­كۋرس­­تىق كوميسسيا­نىڭ وتىرىسىندا تانىس­تى­رادى. كوميسسيا وتىنىمدەردى قاراۋ كەزىندە بيزنەس-يدەيا­لاردىڭ جاڭاشىلدىعى, باسەكەگە قابىلەت­تىلىگى جانە قولدانىسقا ەنگىزۋگە دايىن­دىعى بويىنشا باعا بەرەدى. بۇل رەتتە ناقتى ەلدى مەكەندە نەمەسە اۋىلدىق وكرۋگتە بۇرىن وندىرىلمەگەن تاۋارلار شىعارۋدى, قىز­مەتتەر كورسەتۋدى نەمەسە جەتىلدىرىلگەن تەحنولوگيا­لاردى قولدانۋدى كوزدەيتىن جوبا­لارعا باسىمدىق بەرىلەتىنىن اتاپ وتكەن ابزال.

بىلتىر ارقايسىسى 5 ملن تەڭگەنىڭ قايتا­رىمسىز گرانتىن 21 ادام يەلەنسە, بيىل جىل باسى­نان 7 ادام وسىنداي قولداۋعا يە بو­لىپ­تى. ۇزدىك شىققانداردىڭ دەنى وڭدەۋ ونەر­كاسىبى, ونىڭ ىشىندە جەڭىل, جيھاز جانە تاماق ونەركاسىبى, سونىمەن قوسا اۋىل شارۋاشىلىعى سالالارىندا كاسىپتەرىن دامىتۋدا.

اتاپ وتەرلىگى, بىلتىر 29 جاسقا دەيىنگى 10 جاس كاسىپكەر جەڭىمپازدار قاتارىنان تابىلسا, جىل باسىنداعى كونكۋرستا بىرىڭعاي جاس بيزنەسمەندەر تاڭدالدى. جالپى سانى 9 جوبا اۋىلدىق جەرلەردە جۇزەگە اسىپ جاتىر. ال 2022 جىل بويىنشا تەگىن گرانتتارعا قازى­نادان جالپى سوماسى 89 ملن تەڭگە بولىنگەن.

اققۋلى اۋدانىنىڭ جاس كاسىپكەرى ادىل­عازى مومىن – وسىنداي مۇمكىندىككە يە بول­عان ازا­ماتتىڭ ءبىرى. ول بۇل قاراجات­قا ءسۇت سالقىن­داتقىش پەن ءسۇت ساۋعا, ءسۇت تارتۋعا ارنالعان قۇرال-جابدىقتار ساتىپ العان. ناتي­جەسىندە ونىڭ شارۋاشىلىعىندا 1 وپە­راتور, 2 ءسۇت ساۋشى جانە 1 مال قا­راۋ­شى جۇمىسقا قابىل­دانىپتى. ال ەكى­باستۇز قالاسىنان قاتىسىپ, جولى بولعان سىمبات ماحمەت قايتارىمسىز قاراجات­تى گيدروپوندىق جولمەن مال ازىعىن وسى­رۋ­گە جۇمساعان. ايتۋىنشا, ول وسىرەتىن بيداي ەكولوگيالىق جاعىنان تازا ءونىم ءارى سۇرانىسقا يە. گيدروپوندى جەم-شوپتە دارۋمەن مول بولاتىندىعىنا بايلانىستى ءتورت ت ۇلىك پەن قۇس تەز قوڭدانىپ, ەت جيناي باستايدى, ال سيىردىڭ سۇتتىلىگى ارتادى ەكەن.

پاۆلودار وبلىسى