ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى جول قوزعالىسى قاۋىپسىزدىگىن قامتاماسىز ەتۋ ءۇشىن قالالىق پد اكىمشىلىك پوليتسيا باسقارماسىنىڭ كەلىسىمىمەن اقمەشىت كوشەسىندەگى جول توسەمىنە جوندەۋ جۇرگىزەدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
جول جوندەۋ جۇمىستارىنىڭ جۇرگىزىلۋىنە بايلانىستى 28-31 تامىز ارالىعىندا اقمەشىت كوشەسىندە دوستىق كوشەسىنەن سىعاناق كوشەسىنە دەيىنگى ارالىعىندا كولىك قوزعالىسى شەكتەلەتىن بولادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن كولىك باسقارماسىنىڭ حابارلاماسىندا.