نەمەرە-شوبەرەلەرىنىڭ الاڭسىز مەكتەپكە بارىپ-كەلۋىن ويلاعان اجەكبار بۇگىنگى بۋىنعا ۇلگى بولارلىق ءىس اتقاردى. ناقتىراق ايتساق, تۇركىستان وبلىسى, وتىرار اۋدانى, اقتوبە اۋىلىنىڭ تۇرعىنى, زەينەتكەر اجەكبار قورعانبەكوۆ جاياۋ جۇرگىنشىلەر كوپ جۇرەتىن «اقتوبە» كانالىنىڭ بويىنا شاعىن كوپىر سالىپ بەردى.
كانالدىڭ ەكى جاعاسىن جاعالاي وتىرعان تۇرعىندار بۇعان دەيىن توزىعى جەتكەن ەسكى كوپىردەن ءوتىپ, مەكتەپكە باراتىن بالالارىنىڭ جاعدايىنا الاڭداپ كەلگەن ەدى. كوپىردەن وتىزدان اسا وتباسىنىڭ 60-قا جۋىق بالاسى مەكتەپكە بارىپ-قايتادى. بۇگىندە جاڭادان سالىنعان كوپىر اتا-انالاردىڭ ۋايىمىن سەيىلتىپ, تۇرعىندارعا قۋانىش سىيلادى. اۋىلداستارى ونەگەلى ىستەرىمەن ەلگە سىيلى بولعان اجەكبار قارياعا العىسىن ايتۋدا. ۇزاق جىلدار بويى مەحانيزاتور بولىپ ەڭبەك ەتكەن اجەكبار قورعانبەكوۆ بۇگىندە 84 جاسقا تولىپ وتىر. بەينەتىنىڭ زەينەتىن كورگەن اقساقال كوپىردى سالۋ ماسەلەلەسى كوتەرىلگەندە قاراپ وتىرا الماعانىن, تۋعان ەلگە ازاماتتىق پارىزىن وسىنداي ونەگەلى ىستەرىمەن وتەۋدى ءجون ساناعانىن ايتادى. «حالىق كوپىردىڭ يگىلىگىن كورسىن, ەلىمىز وركەندەپ, اۋىلدارىمىز كوركەيە بەرسىن. وعان قاريالار قولىمىزدان كەلگەنىنشە, دەنساۋلىعىمىز جاراعانشا ۇلەس قوسۋىمىز, ۇلگى كورسەتۋ, اقىل-كەڭەسىمىزدى ايتىپ وتىرۋىمىز قاجەت», دەيدى اجەكبار اتا.
تۇركىستان وبلىسى