گازعا قوسۋ جۇمىستارى جالعاسۋدا

ەستەرىڭىزگە سالا كەتەيىك, گاز تاراتۋ جەلىلەرىنىڭ قۇرىلىسى ءۇش كەزەك­كە بولىنگەن. 2021 جىلى ءبىرىنشى كە­زەك­تەگى, سونداي-اق ءىشىنارا ەكىنشى كە­زەك­تە­گى قۇرىلىس اياقتالدى. ەكىنشى جانە ءۇشىنشى كەزەكتىڭ قالعان بولىگى بو­يىنشا جۇمىستار 2022-2024 جىل­دار­عا جوسپارلانعان.

«بۇگىندە كوكتال-1, كوكتال-2, اگرو­قا­لاشىق, تەمىرجولشىلار, پرو­مىش­لەننىي, وڭتۇستىك-شىعىس (وڭ جاعى مەن سول جاعى), كۇيگەنجار, مي­چۋرينو, ينتەرناتسيونالنىي ەلدى مەكەندەرى, سونداي-اق پوتانين كوشەسى اۋدانىندا قالانىڭ ەسكى بولىگىندەگى تۇتىنۋشىلاردى قوسۋ قامتاماسىز ەتىلدى. 650 كم گازبەن جابدىقتاۋ جە­لى­سى­نىڭ قۇرىلىسى اياقتالدى», دەدى م.ەسماعۇلوۆ.

جالپى, ەلوردادا 200 مىڭعا جۋىق تۇرعىنى بار 14 مىڭ ابونەنت گازعا قوسىلدى. گازعا 4,6 مىڭنان استام ءۇي قوسىلعان. ايتا كەتۋ كەرەك, جەو-1,2-دەگى 13 قازاندىق گازعا اۋىستىرىلدى.

«بيىل جەو-1-دە تاعى ءۇش ەنەر­گە­تيكالىق قازاندىق گازعا كوشى­رى­لەدى. 15 الەۋمەتتىك نىساندا گازدى ىسكە قوسۋ بويىنشا ىسكە قوسۋ-رەتتەۋ جۇ­مىستارى جۇرگىزىلۋدە. سونداي-اق گازعا «شاراپات» الەۋمەتتىك قىزمەت كور­سەتۋ ورتالىعى, № 19 مەكتەپ, №57 مەكتەپ, «مەيىرجان» بالاباقشاسى, «اق­قانات» بوبەكجايى جانە ءتورت كوپ­پا­تەرلى تۇرعىن ءۇي قوسىلدى», دەپ اتاپ ءوتتى ءبولىم باسشىسى. سونىمەن قاتار بيىل تۇران, تەلمان اۋداندىق قازان­دىق­تارىنا جانە يلينكا, تەل­مان, پريگورودنىي, Family Village, ءوندىرىس ەلدى مەكەندەرىنە گاز جەتكىزۋ جەلىسىنىڭ قۇرىلىسى باستالدى», دەپ اتاپ ءوتتى ءبولىم باسشىسى.

سونىمەن قاتار ول ەلوردا تۇرعىن­دا­رىنىڭ گاز جىلدام قوسىلۋ ءۇشىن قانداي شارالار قولدانىلعانىن ايتتى.

«تۇرعىندارعا گازعا كوشۋگە كومەك­تە­سۋ ءۇشىن ەلوردا اكىمدىگى بىرقاتار شارا قابىلدادى. قوسىلۋ ءۇشىن قۇ­جات­تار ءتىزىمى دە قىسقارتىلدى. تەگىن گازدى ەسەپتەۋ قۇرالدارى بەرىلەدى. حا­لىقتىڭ الەۋمەتتىك وسال توپتا­رى­نا 430 مىڭ تەڭگە كولەمىندە اقشا­لاي وتەماقى كورسەتىلۋدە. ءۇيدى گازدان­دى­رۋ­عا بانكتەر ارقىلى 1,5 جىلعا 750 مىڭ تەڭگەگە دەيىن ءبولىپ تولەۋ جانە پايىزسىز كرەديت بەرۋ بار», دەدى ول.

سونداي-اق اكىمدىك پەن «قاز­ترانس­گاز» جوباسى بويىنشا ءار­بىر ءۇيدىڭ قور­شاۋىنا دەيىن جەلىلەر جۇر­­گىزى­لە­تىنىن ەسكە سالدى. «گاز جانە گازبەن جابدىقتاۋ تۋرالى» زاڭعا سايكەس, تۇر­عىندار نارىقتىق تارتىپتە گازبەن جاب­دىقتاۋ جەلىسىنە قوسىلۋعا اككرەديتتەلگەن جەكە كومپانيانى جالدايدى جانە گازدى تىكەلەي ۇيگە وزدەرى جۇر­گىزەدى.

«قۇنى مەن شارتتارى نارىق دەڭ­گە­يىندە بولىپ سانالادى, ەش­قان­داي مەملەكەتتىك ورگان دا, «قاز­ترانس­گاز» ۇلتتىق وپەراتورى دا بۇل قىز­مەت­تى رەت­تە­مەيدى», دەپ اتاپ ءوتتى م.ەسماعۇلوۆ.

سونداي-اق باسقارمادا ەلدى مە­كەن­دەردى گازداندىرۋ جانە ەنەر­گيا كوز­دەرىن گازعا اۋىستىرۋ شىعا­رىن­دى­­لاردى جىلىنا 40 مىڭ تونناعا دەيىن تومەندەتەتىنىن, سونداي-اق گاز بال­لوندارىن پايدالانۋعا بايلانىس­تى توتەنشە جاعدايلاردى ازايتاتىنىن اتاپ ءوتتى. گازداندىرۋعا قاتىستى بارلىق ماسەلە بويىنشا اۋداندىق اكىمدىكتەرگە جانە «قازترانسگاز اي­ماق» اق-عا رەسپۋبليكا داڭعىلى 24 مە­كەنجايى بويىنشا نەمەسە 55-89-75 تەلەفونى بويىنشا حابارلاسۋعا بولادى.