كۇڭىرەنىسكە تولى كۇرە جول

وبلىستىق اكىمدىكتە وتكەن ارنايى جيىندا جەرگىلىكتى پوليتسيا دە­پارتامەنتىنىڭ باسشىسى ەرلان فايزۋللين وتكەن جەتى ايدىڭ قورى­تىن­دىسى بويىنشا تاس جولدىڭ بو­يىن­داعى قايعىلى وقيعالار سانى­نىڭ ارتا تۇسكەنىن مالىمدەدى.

– جەتى ايدىڭ قورىتىندىسىنا سايكەس وبلىس بويىنشا جول-كولىك وقيعالارى 8,2%-عا, قازا بولعاندار سانى 57%-عا, جاراقات العانداردىڭ قاتارى 16,7%-عا ءوستى, – دەپ حابارلادى ە.فايزۋللين.

پوليتسيا باسشىسى كەلتىرگەن دەرەكتەرگە ساي, اپاتتارعا كوبىنە جەڭىل كولىكتى تىزگىندەگەندەر كىنالى بولادى ەكەن. مۇنداي جاعدايدىڭ 176 دەرەگى تىر­­كە­لىپتى. ال 11 جاعداي اۆتوبۋس جۇر­­گىزۋ­شىلەرىنىڭ جاۋاپسىزدىعىنان بول­عان. تەك ءۇش وقيعادا جۇك كولىك­تە­رىن باس­قارعاندار جازىقتى بولىپ تانىلعان.

وكىنىشتىسى سول, جول-كولىك وقيعا­لا­رىندا كامەلەتكە جاسى تولما­عان­داردىڭ سانى ارتىپ كەتكەن. بۇل ورايدا پوليتسيا باسشىسى بالالاردىڭ قاتىسى بار اپاتتاردىڭ 29-دان 43 پا­يىز­عا دەيىن وسە تۇسكەنىن ءمالىم ەتكەن دەرەكتى كەلتىردى.

وتە ۇلكەن ترانزيتتىك وڭىرگە جاتاتىن قاراعاندى وبلىسىنداعى اۆتوموبيل جولدارىنىڭ ۇزىندىعى توعىز مىڭ شاقىرىمنان اسادى. تەك, رەس­پۋبليكالىق ماڭىزى بار جول­دار­دىڭ وزىندە 54 جول-كولىك وقيعاسى بولىپ, سونىڭ سالدارىنان 42 ادام قازا تاپقان, ال 86 ادام زارداپ شەگىپتى. ستاتيستيكاعا سەنسەك, جول بويىنداعى باقىتسىز وقي­عا­لاردىڭ باسىم بولىگى قاراعاندى – بالقاش جانە بالقاش – سارىشاعان كۇرە جولدارىنا تيەسىلى بولىپ شىعادى.

وبلىستىڭ باس پوليتسەيى جول اپات­تارىنىڭ نەگىزگى سەبەپتەرىن دە جىپ­كە ءتىزىپ اتادى. ماسەلەن, باقىتسىز جاع­دايلاردىڭ دەنى جول قوزعالىسى ەرە­جە­لەرىنىڭ ساقتالماۋىنان, جۇرگىزۋ­شى­لەردىڭ كولىك ءتارتىبى مەن ءوزارا سىي­­لاس­تىققا ءمان بەرمەۋىنەن تۋىندايدى ەكەن. جالپاق تىلمەن ايتقاندا, تەمىر تۇلپارلاردى تىزگىندەگەن كەيبىر تۇر­عىن­دار ەرەجە مەن تارتىپكە تۇكىرىپ قويىپ, كۇرە جولدىڭ ۇستىندە قۇيىن-پەرەن زىمىرايدى دا, ءوزىنىڭ عانا ەمەس وزگەنىڭ دە ءومىرىن قاۋىپ-قاتەرگە بايلاپ بەرىپ ءجۇر.

بۇدان بولەك, جول اپاتىنىڭ جيى­لەۋىنە باعۋسىز جۇرگەن مال دا قو­ماق­تى «ۇلەس» قوسىپ ءجۇر. جول بويىن تور­لى قورشاۋلارمەن, ارنايى بەلگى­لەر­مەن جانە جانۋارلاردى شا­عى­لىساتىن ەلەمەنتتەرمەن قامتا­ما­سىز ەتۋ جاعى ءالى كۇنگە دەيىن اقساپ جاتىر. ياعني قاراۋسىز قالعان مال جول ۇستىنە شىعىپ كەتىپ, كوپ جاع­داي­دا جا­نۋار­لار­دىڭ كولىكتەرمەن سوق­تى­عىس­قان وقىس وقيعالارى جيىلەپ تۇر.

سونىمەن قاتار ەرلان فايزۋللين ەلدى مەكەندەردەگى اپاتتىڭ باسىم بولى­گى جاياۋ جۇرگىنشىلەردىڭ قاتىسۋى­مەن بولاتىنىن اتاپ ءوتىپ, جاۋاپسىزدىق پەن نەمقۇرايدىلىقتىڭ سالدارىنان بەيبىت ۋاقىتتا ادامداردان ايىرىلىپ جاتقان جاعدايعا قاتتى قىنجىلىس ءبىلدىردى.

البەتتە, ءتارتىپ ساقشىلارى جول اپا­تى كوبەيىپ, ايدىڭ-كۇننىڭ امانىندا ادامدار قازا تاۋىپ جاتقاندا قول قۋسىرىپ قاراپ وتىرعان جوق. ماسەلەن, قاراعاندى مەن تەمىرتاۋدا جاياۋ جۇرگىنشىلەردىڭ قاتىسۋىمەن بول­عان جول-كولىك وقيعالارىن ازايتۋ ماق­ساتىندا اۆتوبۋس ايالدامالارىنا كىرەتىن جەرلەردى باعدارشامدارمەن رەتتەلەتىن قيىلىستارعا كوشىرۋ بويىنشا جۇمىستار جالعاسىپ جاتىر.

سونىمەن بىرگە جول قاۋىپسىزدىگىن ساقتاۋ جولىندا باسقا دا پارمەندى شارالار قابىلدانۋدا. مىسالى, اپاتتار ءجيى بولاتىن قاۋىپتى ۋچاسكەلەردە قوسىمشا 10 اۆتوپاترۋل قويىلدى. جانە كۇن سايىن جۇرگىزۋشىلەرمەن ءتۇسىن­دىرۋ جۇمىستارىن جۇرگىزۋدى ۇيىم­داستىرۋ جاعى دا شيراتىلا تۇس­كەن.

بۇگىندە «قاۋىپسىز قالا» باعدارلا­ما­سى اياسىندا جول قوزعالىسى ەرە­جە­­­لە­رىن بۇزۋدى تىركەيتىن 110 اپ­پا­رات­­تى-باعدارلامالىق كەشەن ورنا­­تى­لىپ, ولاردىڭ كومەگىمەن 89 850 ۇي­عا­رىم تىركەلگەن. سونداي-اق 11 ءم­و­بيلدى اپپاراتتى-باع­دارلا­ما­لىق كەشەن دە ءتيىمدى جۇمىس ىستەپ تۇر. ياعني ولار بۇگىنگە دەيىن 17 879 بۇزۋ­­شى­لىقتى انىقتاعان.

وكىنىش­كە قاراي, وبلىستا جولداردى جوندەۋ جانە جاساندى جارىقتاندىرۋ ماسەلەلەرى ءالى دە تولىعىمەن شەشىمىن تاپپاعان. كولىك قۇرالدارىنىڭ تەح­ني­كالىق جاعدايى دا سىن كوتەر­مەي­دى. وسى ورايدا وبلىس باسشىسى كولىكتىك با­قىلاۋ ينسپەكتسياسىنىڭ جۇمىسىن سىنعا الىپ, جىبەرىلگەن كەمشىلىكتەردى دەرەۋ جويۋدى تاپسىردى.

سونىمەن قاتار وبلىس اكىمى جەڭىس قاسىمبەك پوليتسيا دەپارتامەنتىنە, جولاۋشىلار كولىگى جانە اۆتوموبيل جولدارى باسقارماسىنا 2022-2023 جىلدارعا ارنالعان جول قوزعالىسى قاۋىپسىزدىگىن ارتتىرۋ جونىندەگى ءىس-شارالار جوسپارىنىڭ ورىندالۋىنا تالداۋ جاساۋدى جانە ونىڭ ورىندالۋى تۋرالى بايانداۋدى جۇكتەدى.

ءيا, كۇڭىرەنىسكە تولىپ كەتكەن كۇرە جولدىڭ بويىنداعى جاعدايدى تۇزەۋ ءۇشىن قاتاڭ شارالار قابىلداماسقا بولمايىن دەپ تۇر. ەرەجە-ءتارتىپ دە­گەندەردى ەلەڭ قىلماي, ەلدىڭ ومىرىنە قاۋىپ ءتوندىرىپ جۇرگەن پەندەلەردى جونگە سالۋ ءۇشىن بۇل ىسكە پروكۋراتۋرا ورگاندارىنىڭ دا بەلسەنە ارالاسقانى ءجون بولار ەدى.

قاراعاندى وبلىسى