ىزگىلىكتىڭ العاشقى قادامى

اتالعان فورۋم ءبىر اپتاعا سوزىلادى جانە تۇركىستانداعى ءىس-شاراعا قىرعىزستان مەن وز­بەكستاننان ەرىكتىلەر كەلسە, ءدال وسى كۇنى بۋراباي ۇلتتىق پار­كىن­دە وتكەن فورۋمنىڭ اشىلۋىنا تاجىكستان مەن تۇرىكمەنستان وكىلدەرى قاتىستى. فورۋمنىڭ ءبى­رىنشى كۇنى «الەمدىك كافە» فور­­ماتىنداعى ستراتەگيالىق سەسسيا­لار, ءبىلىم بەرۋ, ەكولوگيا, مەديتسينا, جۇمىسقا ورنالاستىرۋ, ينكليۋزيا, بۇقارالىق سپورت, ەتنو-ەرىكتىلىك جانە باسقا باعىتتار بو­يىنشا ناقتى كەيستەرى بار ويىن فورماتىنداعى ۆوركشوپتار ءوتتى. اقتوبە, الماتى, اتى­راۋ, باتىس قازاقستان, جامبىل, قى­زىلوردا, ماڭعىستاۋ, تۇر­كىس­تان, جەتىسۋ وبلىستارى, شىم­كەنت قالاسى, قىرعىزستان جانە وز­بەكستان ەلدەرىنەن 200-دەن اس­تام ادام قاتىسقان ءىس-شارادا اق­پارات جانە قوعامدىق دامۋ مينيسترلىگىنىڭ ازاماتتىق قوعام ىستەرى كوميتەتى توراعاسىنىڭ ورىنباسارى گۇلبارا بەكەتقىزى قۇتتىقتاۋ ءسوز سويلەپ, ەلىمىزدەگى ۆولونتەرلىكتىڭ دامۋى تۋرالى باياندادى. «قازاقستان ازاماتتا­رى ەلىمىزدىڭ قايىرىمدىلىق جانە الەۋمەتتىك ومىرىنە بەلسەندى قا­تىسۋدا. بۇعان سپورت جارىس­تارىن, قايىرىمدىلىق مارافوندارىن, قيىن ەمدەلەتىن اۋرۋ­لارى بار بالالاردى قولداۋ باع­دارلامالارىن, بالالار ۇيلەرى مەن ونكولوگيالىق بولىمشەلەردە ىسكە اسىرىلىپ جاتقان جوبالاردى ۇيىمداستىرۋعا جانە وتكىزۋگە قا­تىساتىن ۆولونتەرلەردىڭ سان­دىق كورسەتكىشتەرى دالەل بولا الادى. مۇمكىن, بۇل قازاقستاندىق مەن­تاليتەتتىڭ ەرەكشەلىكتەرىنە بايلانىستى شىعار. تاريحي تۇر­عىدان العاندا, ەل تۇرعىندارى ءۇشىن ەرىكتى كومەكتىڭ نەگىزى توپتىق قولداۋدىڭ ءارتۇرلى نىساندارى نەمەسە اسار بولدى. وتكەن جىل­دىڭ وزىندە Birgemiz جوباسىنا قيىن ومىرلىك جاعدايلاردا بالالار مەن جاستاردى قولداۋ, مەدي­تسينالىق, ەكولوگيالىق ۆو­لون­تەرلىك, ماتەريالدىق جانە رۋحاني مادەني-تاريحي مۇرا­نى ساقتاۋ, جانۋارلاردى قور­عاۋ بويىنشا ۆولونتەرلىك, الەۋ­مەت­تىك, توتەنشە جاعدايلار سالا­سىن­داعى ۆولونتەرلىك جانە ون­لاين-ۆولونتەرلىك سالالا­رىندا 70 مىڭ­نان استام ەرىكتى قاتىستى. اتالعان سالانى تۇراقتى دامىتۋ ءۇشىن ءبىز 2021-2023 جىل­دارعا ارنالعان ۆولونتەرلىكتى دامىتۋدىڭ جول كارتاسىن ازىر­لەدىك, ول ەلەۋلى شارالار كەشەنىن قامتيدى», دەپ اتاپ ءوتتى گۇلبارا سۇلتانوۆا.

سونداي-اق سپيكەر قازىرگى ۋا­قىتتا مەملەكەتتىك ورگاندار مەن ۆولونتەرلىك قوزعالىس ۇيىم­داس­تىرۋشىلارىنىڭ اراسىنداعى ءوزارا ءىس-قيمىلدىڭ زاماناۋي جۇ­يەسىن قۇرۋ بويىنشا جۇمىس جۇرگىزىلىپ جاتقانىن جانە بۇل قىزمەت ۆولونتەرلىكتى قولداۋ ستاندارتىنا نەگىزدەلەتىنىن ايتتى. ء«بىز ۆولونتەرلەردىڭ بىرىگۋى بارلىق قولدانىستاعى جوبالاردى قالىڭ جۇرتشىلىققا كورسەتەدى جانە بۇل جاڭا ۆولونتەرلىك باس­تامالارعا سەرپىن بەرەدى دەپ ۇمىت­تەنەمىز. وعان مۇقتاج ادام­داردىڭ بارلىعىن قولداۋعا كومەكتەسەتىن جاڭا يننوۆاتسيالىق تاسىلدەردى پايدالانامىز. بۇل كوپ جىلدار بويى ۆولونتەرلىكتىڭ ءتۇرلى باعىتتارىندا جۇمىس ىستەپ كەلە جاتقان بارلىق ادامدار ءۇشىن ۇلكەن جەڭىس دەپ سانايمىن», دەپ اتاپ ءوتتى اقدم ازاماتتىق قوعام ىستەرى كوميتەتى توراعاسىنىڭ ورىن­باسارى.

وتكەن جىلى ۆولون­تەرلىك قىزمەتپەن اينالىساتىن ازاماتتار مەن ۇيىمدار سانى ارتىپ, ىسكە اسىرىلىپ جاتقان ۆو­لونتەرلىك باعدارلامالار مەن جوبالار اۋقىمى كەڭەيدى. ناقتىراق ايتقاندا, ۆولونتەرلىك ۇيىمدار مەن توپتاردىڭ سانى 3 ەسەگە ۇل­عايىپ, بۇگىنگى كۇنى ولاردىڭ سانى 600-دەن اسادى. ال تۇراقتى ۆولونتەرلەر سانى 4 ەسەگە ارتتى, بۇل 200 مىڭنان استام ادامدى قۇرايدى. سونداي-اق 1,5 ميلليوننان استام ازامات كومەك الدى.

فورۋمنىڭ اشىلۋىنا قا­تىسقان تۇركىستان وبلىسى قوعام­دىق دامۋ باسقارماسىنىڭ باسشىسى اڭسار وسەرباەۆ ۆولونتەرلىك ىزگىلىكتىڭ العاشقى قادامى ەكەنىن ايتىپ ءوتتى. سونداي-اق ءىس-شارا بارىسىندا ەلىمىزدە الەۋمەتتىك, وقيعالىق جانە ەكو-ۆولونتەرلىك قارقىندى دامىپ كەلە جاتقانى ايتىلدى. كوروناۆيرۋس ءورشىپ, رەسپۋبليكا بويىنشا پاندەميا بولعان كەزدە ەلىمىزدە ەرىكتىلەردىڭ بەلسەندىلىگى ارتقانى ءمالىم. بار­لىق ءوڭىردىڭ بەلسەندى ازامات­تارى الەۋمەتتىك جاعدايى تومەن وت­باسىلارعا, ارداگەرلەرگە ازىق-ت ۇلىك سەبەتىن تاسۋمەن, ونى سۇ­رىپتاۋمەن, call-ورتالىقتاردا جە­دەل اقپارات بەرۋمەن, مۇقتاج وتباسىلاردىڭ ءتىزىمىن جاساۋمەن اينالىستى, بۇدان باسقا دا كوپتەگەن ءىس-شارا اتقاردى. پاندەميا كەزىندە ونلاين, مەديتسينالىق جانە Pro-bono باعىتتارى جاقسى دامىدى. تۇركىستان وبلىسىندا 10 مىڭنان استام ۆولونتەر بار. ءوڭىردىڭ ەرىكتى جاستارى قوعامدىق ءومىردىڭ بارلىق سالاسىنا بەلسەنە ارالاسادى. اۋدان, قالالارداعى جاستار رەسۋرستىق ورتالىقتارى كوپتەگەن ءىس-شارالارعا باستاماشىسى بولىپ وتىر. ەرىكتىلەر Bilim, Qamqor, Úmit, Sabaqtastyq, Taza Álem جانە Saulyq اتتى بىرنەشە سالالىق باعىتتار بو­يىن­شا جۇمىس ىستەيدى. رۋحاني, مادەني-تاريحي مۇرالاردى ساقتاۋ جۇمىستارىنا ەرىكتىلەردى تارتۋ باعىتىندا قۇرىلعان «اسىل مۇرا» جوباسى دا جۇزەگە اسىرىلدى. ارىس قالاسىندا 2019 جىل­دىڭ ماۋسىمىندا وق-ءدارى قوي­ماسىندا بولعان جارىلىس كە­زىندە ەرىكتىلەردىڭ كومەگى كوپ ءتيدى. توتەنشە جاعداي كەزىندە جە­دەل توپپەن بىرگە مىڭنان اس­تام جەدەل ۆولونتەر جاساعى قۇ­رىل­دى. ولار حالىققا العاشقى كو­مەك كورسەتىپ, قۇجاتتاردى جي­ناۋ جانە جاپا شەككەندەردى كو­شىرىپ, ازىق-ت ۇلىكپەن قام­تا­ماسىز ەتۋ جۇمىستارىمەن اينا­لىستى. ماقتاارالداعى سۋ تاس­قى­نى كەزىندە دە تۇركىستان وبلى­سىنىڭ ەرىكتىلەرى تىنىمسىز كو­مەك كورسەتتى. پاندەميا ۋا­قى­تىندا ۆولونتەرلەر توبىمەن مە­دي­تسينالىق ماسكالار تاراتىپ, ىندەتتىڭ الدىن الۋ ءىس-شارالارى بويىنشا ءتۇسىندىرۋ جۇمىستارىن جۇرگىزدى.

فورۋمنىڭ ەكىنشى كۇنى, قا­تىسۋشىلار ء«وز جوباڭمەن/يدەياڭ­­مەن ءبولىس» اشىق ميكرو­فون كەزىندە وڭىرلەردەگى ۆو­لون­تەرلىك جوبالار تۋرالى ايتىپ بەردى. وسىلايشا, ولار ءوز­ارا ىن­­تىماقتاستىققا, جاڭا بىر­لەس­­كەن جوبالاردى قۇرۋعا جانە حالىقارالىق دەڭگەيگە شى­عۋعا مۇمكىندىك الدى. فورۋم بارىسىندا 4 باعىت بويىنشا ۆو­لون­تەرلىك اكتسيالار وتەدى. ايتا كە­تەلىك, فورۋمنىڭ تەڭ ۇيىم­داس­تىرۋشىسى – ۇلتتىق ۆولون­تەر­لەر جەلىسى جانە بىرىككەن ۇلت­تار ۇيىمىنىڭ ەرىكتىلەرى.

تۇركىستان