«اۋعا» بالىق ەمەس, براكونەرلەر ءتۇستى

تەڭىزدەگى تىيىم سالىنعان بايلىقتاردى زاڭسىز اۋلايتىندار زاڭ الدىندا جاۋاپتى. سولاي بولا تۇ­را, وڭاي ولجا ىزدەگەندەر قاراسى ءالى ءۇزىلدى دەي الماي­مىز. مامىردىڭ مەرەكەلى كۇن­دە­­رىندەگى جايماشۋاق دەمالىس­تا وسىنداي كاسىپپەن 12 ازامات ۇس­تالعان. «جاعالاۋ كۇزەتى» ءوڭىر­­­­لىك باسقارماسىنىڭ تەڭىز شەكا­راشىلارى ۇستاعان برا­كو­ن­ەرلەردىڭ بارلىعى دا قازاقستان رەسپۋبليكاسىنىڭ ازاماتتارى. شەكاراشىلار تەڭىز ۇستىندەگى ولجاقۇمارلاردى كۇندەلىكتى اسكە­ري قىزمەت بارىسىندا برا­كون­ەرلىك قىزمەتتىڭ جولىن كەسۋ, سۋ رەسۋرستارىن قورعاۋ, سون­داي-اق «بەكىرە-2014» كەڭ اۋقىم­دى بالىق قورعاۋ اكتسياسى اياسىن­دا قولعا تۇسىرگەن. ولاردان «كا­زانكا» ءتيپتى موتورلى 4 قايىق تاركى­لەنگەن جانە 29 000 مەتر اۋ, 13 500 مەتر قارماق تاپقان. اۋ مەن قارماقتىڭ جالپى سانى 6 750 دانا. تابىلعان 306 بەكىرەنىڭ 26-سى ءتىرى, 280-ءى ءولى كۇيىندە بولعان جانە بۇدان باسقا ءبىر تسەنتنەرگە جۋىق بالىق پەن 18 ءولى يتبالىق تاركىلەنىپتى. زاڭ بۇزعاندار ەندى زاڭعا ساي جاۋاپكەرشىلىككە تارتىلاتىن بولادى. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.