پەتروپاۆل پوليتسياسىنا 32 جاستاعى سىرقات ايەل جالعا بەرىلەتىن پاتەردە زورلانعانى جايىندا ارىز ءتۇستى. كۇدىكتىلەردىڭ ەكەۋى انىقتالدى, دەپ حابارلايدى Egemen.kz.
الەۋجەلىدە پەتروپاۆل قالاسىندا مۇگەدەكتىگى بار قىزدى ءۇش ەر ادامنىڭ زورلاعانى جايىندا اقپارات تارادى.
وقيعا 3 تامىزدا بولعان. زارداپ شەككەن قىزدىڭ تانىسى حابارلاعانداي, ول بويجەتكەننىڭ اقىل-ەسىنىڭ كەمىستىگى بار, اناسى دا اۋىرادى. كوپقاباتتى ءۇيدىڭ اۋلاسىندا اتكەنشەك تەۋىپ وتىرعان ونى كورشىلەرىنىڭ ءبىرى قاسىنداعى ۇيگە, جالعا بەرىلەتىن پاتەرگە الىپ كەتكەن. ول جەردە تاعى ەكى ەر ادام بولعان.
«ول تاڭەرتەڭ مەنىڭ الدىمنان شىقتى, ونى ۇرعان. نە بولعانىن ايتىپ بەردى. پوليتسياعا بارىپ ارىز جازدى. ساراپتامادان ءوتتى», دەيدى زارداپ شەگۋشىنىڭ تانىسى.
سولتۇستىك قازاقستان وبلىسىنىڭ پوليتسيا دەپارتامەنتى بۇل دەرەككە قاتىستى تۇسىنىك بەردى.
«3 تامىز كۇنى پەتروپاۆل قالالىق پوليتسيا باسقارماسىنا اباي كوشەسىندەگى جالعا بەرىلەتىن پاتەرلەردىڭ بىرىندە وبلىس ورتالىعىنىڭ 32 جاستاعى تۇرعىنى زورلانعانى تۋرالى حابارلاما ءتۇستى. بۇل فاكتى قر قك 120-بابى 2-بولىگى, 1-تارماعى «زورلاۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەلدى. پوليتسيا سقو-نىڭ 48 جانە 32 جاستاعى ەكى تۇرعىنىن انىقتادى. قازىرگى ۋاقىتتا اتالعان دەرەك بويىنشا ءتيىستى ساراپتامالار تاعايىندالدى, قاجەتتى تەرگەۋ امالدارى جۇرگىزىلىپ جاتىر. ونىڭ ناتيجەسى بويىنشا زاڭدى پروتسەسسۋالدىق شەشىم قابىلدانادى. قالعان اقپارات قر قپك 201-بابىنا سايكەس جاريا ەتىلمەيدى», دەلىنگەن حابارلامادا.