قاتونقاراعاي اۋدانىندا اۋەجاي قۇرىلىسىن جۇرگىزۋ جوسپارلانىپ وتىر. بۇل تۋرالى شقو جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى ايجان راحىمباەۆا ايتتى, دەپ حابارلايدى Egemen.kz.
«2018 جىلى وڭىردە اۋەجايلاردىڭ ينفراقۇرىلىمىن جاڭعىرتۋ جۇمىستارى باستالعان. بۇگىندە وسكەمەن مەن سەمەيدەگى اۋەجايدى قايتا جاڭعىرتۋ جۇمىستارى مارەسىنە جەتتى. جاقىندا ءۇرجار اۋدانىنداعى اۋەجايدىڭ ۇشۋ-قونۋ جولاعىن رەكونسترۋكتسيالاۋ جۇمىستارى اياقتالدى», دەدى ول.
ايجان راحىمباەۆانىڭ ايتۋىنشا, قازىر اۋە ايلاعىنىڭ ۇشۋعا جارامدىلىق سەرتيفيكاتىن الۋ ءۇشىن ءتيىستى شارالار اتقارىلىپ جاتىر. الىنعان سوڭ اۋە رەيستەرى بىردەن قايتا جاندانباق. دەمەك, تۇرعىندار الاكولگە ۇشاقپەن قاتىناي الاتىن بولادى.
«قاتونقاراعاي اۋدانىندا اۋەجاي قۇرىلىسىن جۇرگىزۋ جوسپارلانىپ وتىر. بىراق ونىڭ ناقتى ۋاقىتى ازىرگە بەلگىسىز. سونداي-اق 2024 جىلعا قاراي زايسان اۋەجايىن رەكونسترۋكتسيالاۋ جۇمىستارى باستالادى», دەدى باسقارما باسشىسىنىڭ ورىنباسارى.