قازاقستان قۇراماسىنىڭ جارتىلاي قورعاۋشىسى 26 جاستاعى ايبول ابىكەن دوپينگ قولدانعانى ءۇشىن ءتورت جىلعا سپورتتان شەتتەتىلدى, دەپ حابارلايدى Egemen.kz Vesti.kz سايتىنا سىلتەمە جاساپ.
قازاقستان دوپينگكە قارسى ورتالىعىنان ءمالىم ەتكەنىندەي, مامىر ايىندا ايبول ابىكەننىڭ اعزاسىنان تىيىم سالىنعان مەلدوني (ميلدرونات) پرەپاراتى تابىلعان بولاتىن. وسىلايشا, ا.ابىكەن كاسىبي فۋتبولعا 2026 جىلدىڭ 29 ساۋىرىندە عانا, وتىز جاسقا جاقىنداعاندا ورالا الادى.
بيىلعى ماۋسىمدا جالگەرلىك قۇقىعىمەن پاۆلودارلىق «اقسۋ» قۇرامىندا 7 ماتچ وتكىزىپ, 3 گول سوقتى, 1 ناتيجەلى پاس بەردى. ايبول - الماتىلىق «قايراتتىڭ» تۇلەگى, ونىڭ ويىنشى رەتىندەگى قۇقىعى وسى كومانداعا تيەسىلى. فۋتبولشى قازاقستان قۇراماسى ساپىندا 14 ماتچتا البانيا قاقپاسىنا 1 گول سوقتى.
وسىمەن ءۇش جىلعا جەتپەيتىن مەرزىم ىشىندە دوپينگ تابىلعان قازاقستان قۇراماسىنىڭ ءۇش ويىنشىسى فۋتبولدان شەتتەتىلدى.
2020 جىلدىڭ كۇزىندە ءباا-ءنىڭ «ال-اين» كومانداسىندا دوپ تەپكەن باۋىرجان يسلامحان, ال وتكەن جىلى كۇزدە «توبىلدىڭ» جارتىلاي قورعاۋشىسى رۋسلان ۆاليۋللين ەكى جىل مەرزىمگە فۋتبول ويناۋ قۇقىعىنان ايىرىلدى.