قازاقستاننىڭ جۇپتىق سىنداعى ءبىرىنشى, الەمنىڭ 23-راكەتكاسى اننا دانيلينا ۆارشاۆا WTA-250 ءتۋرنيرىنىڭ فينالىنا شىقتى, دەپ حابارلايدى Egemen.kz.
جارىستىڭ 4-راكەتكالارى بولىپ تىركەلگەن ا.دانيلينا مەن گەرمانيالىق اننا-لەنا فريدزام جارتىلاي فينالدا پولشا وكىلى مايا حۆالينسكا – چەحيالىق دجەسيكا مالەچكوۆامەن شەبەرلىك بايقاستى.
ءبىرىنشى پارتيا تاعدىرى تاي-برەيكتە شەشىلىپ, قازاقستاندىق-گەرمانيالىق جۇپ باسىمدىلىق تانىتتى – 7:6 (7:3).
ەكىنشى سەتتە دانيلينا مەن فريدزام قارسىلاستارىنا بىردە-ءبىر گەيم بەرگەن جوق – 6:0. ولار ساعات جارىمعا جۋىق ۋاقىتقا سوزىلعان كەزدەسۋ بارىسىندا 9 برەيك-پوينتتىڭ بەسەۋىن پايدالاندى.
قازاقستاندىق-گەرمانيالىق دۋەت فينالدا دودانىڭ 2-راكەتكالارى, پولشالىقتار كاتاجينا كاۆا – اليسيا روسولسكامەن باس جۇلدەنى ساراپقا سالادى.