كەشە الماتى وبلىسى اۋماعىندا 3 بروكونەر ۇستالدى, دەپ حابارلايدى Egemen.kz ەكولوگيا گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنە سىلتەمە جاساپ.
«28 شىلدە كۇنى ساعات 15:06 شاماسىندا الماتى وبلىسىنىڭ قۇقىق قورعاۋ ورگاندارى, ۇلتتىق قاۋىپسىزدىك كوميتەت جانە «وحوتزووپروم» مەكەمەسىنىڭ ينسپەكتورلارىمەن بىرلەسكەن ءىس-شارا وتكىزۋ بارىسىندا الماتى وبلىسى, ىلە اۋدانىنىڭ اۋماعىندا 3 براكونەردى ۇستادى. ولار: بقو, الماتى وبلىسى جانە قىتاي حالىق رەسپۋبليكاسىنىڭ (قحر) تۋماسى. تەكسەرۋ بارىسىندا 2 284 دانا كيىك ءمۇيىزى تابىلىپ, تاركىلەندى», دەلىنگەن حابارلامادا.
بەلگىلى بولعانداي بروكونەرلەر كيىك مۇيىزدەرىن 26 قوراپقا ءبولىپ سالعان. قازىر اتالعان فاكتىگە قاتىستى قر قك 339-بابى 1-1-بولىگى بويىنشا قىلمىستىق ءىس قوزعالدى. تەرگەۋ امالدارى ءجۇرىپ جاتىر.