ەلوردادا بالانى ۇرعان تاربيەشىگە ايىپپۇل سالىندى

«بيىل 7 ماۋسىمدا ەلوردادا جەكە بالاباقشانىڭ تاربيەشىسى بالانى ۇرعان (جەڭىل دەنە جاراقاتىن الدى). بولعان جايتقا قاتىستى اكىمشىلىك ءىس قوزعالىپ, تاربيەشىنىڭ ءىس-ارەكەتىنە اكىمشىلىك قۇقىق بۇزۋ كودەكسىنىڭ 73-1-بابىنىڭ 1-بولىگى بويىنشا «دەنساۋلىققا قاساقانا جەڭىل زيان كەلتىرۋ» دەگەن قۇقىقتىق باعا بەرىلدى. سوت وتىرىسى بارىسىندا ايىپتى ك. ءوز كىناسىن تولىق مويىنداپ, جاساعان ىسىنە وكىندى», دەلىنگەن رەسمي اقپاراتتا.

سوتتىڭ شەشىمىمەن بالاباقشا تاربيەشىسى كىنالى دەپ تانىلىپ, 15 اەك كولەمىندە ايىپپۇل سالىندى.

«سوت تاعايىنداعان باپ سانكتسياسىنا سايكەس كىنالىگە 15 اەك مولشەرىندە ايىپپۇل سالۋ نەمەسە 15 تاۋلىككە قاماۋ كوزدەلگەن. سونداي-اق سوت كىنالى ك-نىڭ جاس بالاسىنىڭ بولۋىنا جانە جاساعان ىسىنە وكىنۋىنە بايلانىستى جاۋاپكەرشىلىكتى جەڭىلدەتەتىن جاعدايدى قاراستىرادى», دەپ حابارلادى قالالىق سوتتان.

ودان بولەك, ەلوردالىق سوت اكىمشىلىك قۇقىق بۇزۋ كودەكسىنىڭ 50-بابى 2-بولىگىنە سايكەس جۇكتى جانە 14 جاسقا دەيىنگى بالا تاربيەلەپ وتىرعان ايەلدەردى قاماۋعا الۋعا بولمايتىنىن ايتىپ وتىر.

«وسىعان وراي سوت بالاعا دەنە جاراقاتىن كەلتىرگەن تاربيەشىگە 15 اەك كولەمىندە ايىپپۇل سالدى (45 945 تەڭگە)», دەدى ۆەدومستۆودان.

قاۋلى زاڭدى كۇشىنە ەنگەن جوق.