ەكى جىل بۇرىن ەلدىڭ ەسىن شىعارعان دەرت ەسىگىمىزدى قايتا قاعىپ تۇرعانداي. قازاقستان تۇگىلى الەمنىڭ بىرقاتار مەملەكەتى ساقتىق شارالارىن قولعا الىپ, اۋرۋمەن ارپالىسىپ جاتقانى جاسىرىن ەمەس.
جۋىردا قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا سوڭعى اپتادا كوروناۆيرۋس ينفەكتسياسىن جۇقتىرۋ جاعدايلارى 3,2 ەسە وسكەنىن, ولاردىڭ 89%-عا جۋىعى ەكپە الماعانىن جانە سوڭعى 6 ايدا رەۆاكتسينادان وتپەگەندەر ەكەنىن ەسكە سالدى.
دەنساۋلىق ساقتاۋ مينيسترلىگىنىڭ كەشەگى مالىمەتى بويىنشا, 18 962 ادام كوروناۆيرۋس ينفەكتسياسىنان ەمدەلۋدە, ولاردىڭ ىشىندە 1 280 پاتسيەنت ستاتسيوناردا, 17 682 ناۋقاس امبۋلاتوريالىق دەڭگەيدە ەم قابىلداۋدا. شالدىققانداردىڭ اراسىندا 32 ادامنىڭ جاعدايى اۋىر, 7 پاتسيەنتتىڭ جاعدايى وتە اۋىر, 5 ناۋقاس ءوجج اپپاراتىندا جاتىر. وتكەن تاۋلىكتە كوروناۆيرۋس ينفەكتسياسىن جۇقتىرۋدىڭ 2 054 دەرەگى تىركەلدى. COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنشە, ەلىمىزدە كوروناۆيرۋس ينفەكتسياسىن جۇقتىرعاندار سانى وسىمەن 1 333 547-گە جەتتى.
«كەيىنگى تاۋلىكتە اۋىرعانداردىڭ ىشىندە نۇر-سۇلتان قالاسىندا – 806, الماتى قالاسىندا – 532, شىمكەنت قالاسىندا – 46, اقمولا وبلىسىندا – 68, اقتوبە وبلىسىندا – 8, الماتى وبلىسىندا – 83, جەتىسۋ وبلىسىندا – 84, اتىراۋ وبلىسىندا – 61, شىعىس قازاقستان وبلىسىندا – 6, اباي وبلىسىندا – 26, جامبىل وبلىسىندا – 76, باتىس قازاقستان وبلىسىندا – 20, قاراعاندى وبلىسىندا – 130, قوستاناي وبلىسىندا – 11, قىزىلوردا وبلىسىندا – 36, ماڭعىستاۋ وبلىسىندا – 14, پاۆلودار وبلىسىندا – 28, سولتۇستىك قازاقستان وبلىسىندا – 8, تۇركىستان وبلىسىندا 11 تۇرعىن سىرقاتتاندى», دەپ جازدى كوميسسيادان.
ال وسى كۇنى 1 083 ادام كوروناۆيرۋس ينفەكتسياسىنان جازىلىپ شىقتى. ولاردىڭ ىشىندە نۇر-سۇلتان قالاسىندا – 341, الماتى قالاسىندا – 490, الماتى وبلىسىندا – 50, جەتىسۋ وبلىسىندا – 3, اتىراۋ وبلىسىندا – 15, شىعىس قازاقستان وبلىسىندا – 26, اباي وبلىسىندا – 11, جامبىل وبلىسىندا – 25, قاراعاندى وبلىسىندا – 59, قىزىلوردا وبلىسىندا 63 ادام ساۋىعىپ شىقتى. ەلىمىزدە بارلىعى 1 301 086 ادام COVID-19- دان ەمدەلىپ, قاتارعا قوسىلدى. دەنساۋلىق ساقتاۋ مينيسترلىگىنىڭ كەشەگى كۇنگى اقپاراتى بويىنشا, قازاقستاندا I كومپونەنتپەن 10 777 490 ادام, II كومپونەنتپەن 10 506 442 ادام ۆاكتسينا سالدىردى. رەۆاكتسينالانعاندار سانى – 4 975 445 ادام.