استانا. 1 مامىر. بۇگىن فۋتبولدان قازاقستان چەمپيوناتى پرەمەر-ليگاسىنىڭ 9-تۋرىنىڭ ويىندارى وينالدى. بۇل تۋرالى egemen.kz ءتىلشىسى حابارلادى.
تۋردا 2 ويىننىڭ ناتيجەسى 1:0 بولىپ اياقتالدى. تارازدا جەرگىلىكتى «تاراز» تالدىقورعاننىڭ «جەتىسۋىن», اقتوبەدە جەرگىلىكتى «اقتوبە» الماتىنىڭ «قايراتىن» وسىنداي شاعىن ەسەپپەن تىزە بۇكتىردى. ويىنداردا گولداردى تارازدىق الەكسەي ششەتكين (90-مينۋت) مەن اقتوبەلىك مارات حايرۋللين (25-مينۋت) سالدى.
تاعى ەكى كەزدەسۋدە 1:1 دەگەن ەسەپ تىركەلدى. ول «سپارتاك» (سەمەي) – «قايسار» (قىزىلوردا), «اتىراۋ» - «ورداباسى» (شىمكەنت) كوماندالارى اراسىندا جاسالدى. سەمەيدە 57-مينۋتتان باستاپ 20 مينۋت بويى قوناقتار باسىم بولىپ تۇردى. گولداردى مەيمانداردان سەرگەي سترۋكوۆ, الاڭ يەلەرىنەن نەمانيا يوۆانوۆيچ سوقتى. ال اتىراۋدا قوناقتار 18-مينۋتتا العا شىقتى (ارتەم كاسيانوۆ). مۇندا تۋرا 10 مينۋتتان كەيىن ەسەپ تەڭەستى (ميلوش تريفۋنوۆيچ).
تۋردا «شاحتەر» (قاراعاندى) – «استانا» اراسىنداعى ويىندا ەسەپ اشىلمادى.
مۇنىڭ ەسەسىنە, پاۆلوداردا قوستانايدىڭ «توبىلى» جەرگىلىكتى «ەرتىستىڭ» قاقپاسىنا جاۋاپسىز ءۇش دوپ ءتۇسىردى. الاڭ يەلەرىنىڭ قاقپاسىن 10-مينۋتتا تۋلاتقان ءبىرىنشى گولدىڭ اۆتورى نۇربول جۇماسقاليەۆ بولسا, بۇدان كەيىن يرجي ەسلينەك 29 جانە 53-مينۋتتاردا دۋبل جاسادى.
قازىر «اقتوبە» 20 ۇپايمەن توپ باستاپ كەلەدى. ەكىنشى ورىندا – «استانا», ءۇشىنشى ورىندا «شاحتەر» تۇر.
كەلەسى تۋردىڭ ويىندارى 6 مامىر, سەيسەنبى كۇنى وينالادى.
دامير قوجامقۇل.
دەرەككوز: egemen.kz.
فوتو: sports.kz.