تۇپقاراعان اۋدانىنىڭ ورتالىعى فورت-شەۆچەنكو قالاسىنان 68 شاقىرىمداعى «كوگىلدىر ايلاق» تەڭىزىنىڭ جاعالاۋىندا دەمالىپ جاتقان ادامدار مەن ولاردىڭ اۆتوكولىكتەرى نوسەر جاۋىننان پايدا بولعان سەلدىڭ استىندا قالدى, دەپ حابارلايدى Egemen.kz تۇپقاراعان اۋدانى اكىمدىگىنە سىلتەمە جاساپ.
«24 شىلدەدە ساعات 08:28-دە فورت-شەۆچەنكو قالاسىنىڭ ءورت ءسوندىرۋ بولىمىنە «كوگىلدىر ايلاقتاعى» دەمالۋشىلاردان قوڭىراۋ كەلىپ ءتۇستى. دەمالىس ورنىنا كىرەبەرىستە سەل پايدا بولىپ, اۆتوكولىكتەردىڭ اعىپ كەتكەندىگى تۋرالى حابارلاندى. شاقىرۋ تۇسكەننەن سوڭ اقتاۋ قالالىق №2 مامانداندىرىلعان ءورت ءسوندىرۋ بولىمىنەن ۆاحتالىق اۆتوكولىگى شىعىپ, وقيعا ورنىنا بارىپ 10 ادامدى ەۆاكۋاتسيالادى. ولاردىڭ ەكەۋى - بالا», دەدى تۇپقاراعان اۋداندىق توتەنشە جاعدايلار ءبولىمىنىڭ باستىعى جولدىبەك بيسەنبەكوۆ.ناتيجەسىندە, سۋدان 6 اۆتوكولىك شىعارىلدى. ەۆاكۋاتسيالاۋ جۇمىستارىنا س.شاپاعاتوۆ اۋىلدىق وكرۋگىنان دا ارنايى تەحنيكا جۇمىلدىرىلدى.
23 شىلدەدە ماڭعىستاۋ وبلىسىندا نوسەر جاۋىن جاۋعان ەدى.