ەلوردادا ەرلەر مەن ايەلدەر اراسىندا پرەزيدەنت كۋبوگىنىڭ فينالىنا شىققان تەننيسشىلەردىڭ ەسىمدەرى انىقتالدى, دەپ حابارلايدى Egemen.kz.
قتف حابارلاعانداي, دەنيس ەۆسەەۆ ءوز سپورتتىق جولىندا العاش رەت چەللەندجەر ءتۋرنيرىنىڭ فينالىنا جولداما الدى.
دەنيس ەۆسەەۆ جارتىلاي فينالدا وتانداسى بەيبىت جۋكاەۆتى 6:4, 6:4 ەسەبىمەن ۇتتى. ءار پارتيادا دەنيس ءبىر-بىردەن برەيك جاسادى.
ەندى ول جەكسەنبى كۇنى وتەتىن فينالدا جارىستىڭ ءبىرىنشى راكەتكاسى, رەسەيلىك رومان سافيۋللينمەن باس جۇلدەنى ساراپقا سالادى.
رومان سافيۋللين جارتىلاي فينالدا تاعى ءبىر قازاقستاندىق دميتري پوپكودان ايلاسىن اسىردى. ەسەپ - 6:3, 6:2.
پرەزيدەنت كۋبوگى اياسىندا ايەلدەر اراسىندا ITF M60 دوداسىندا سوڭعى باسەكەدە جاپونيالىق مويۋكا ۋچيدجيما مەن سەربيالىق ناتاليا ستەفانوۆيچ كەزدەسەدى.