نۇر-سۇلتان قالاسىنىڭ اۋدانارالىق تەرگەۋ سوتىندا كۇدىكتىگە تاعايىندالعان بۇلتارتپاۋ شاراسىن ۇزارتۋ بويىنشا سوت وتىرىسى ءوتتى. وعان سايكەس, قر ۇلتتىق مۇراجايدىڭ بۇرىنعى ديرەكتورى ارىستانبەك مۇحامەدي ۇلىن قاماۋدا ۇستاۋ مەرزىمى ءبىر ايعا ۇزارتىلدى, دەپ حابارلايدى Egemen.kz.
«تەرگەۋ سوتى ارىستانبەك مۇحامەدي ۇلىن قاماۋدا ۇستاۋ مەرزىمىن 1 ايعا, ياعني 26 تامىزعا دەيىن سوزۋ جونىندە شەشىم قابىلدادى», دەگەن جاۋاپ بەرىلدى قالالىق سوتتىڭ ءباسپاسوز قىزمەتىنەن.
ايتا كەتەيىك, 29 مامىردا ۇلتتىق مۇراجاي ديرەكتورى ارىستانبەك مۇحامەدي ۇلى قاماۋعا الىندى. وعان قاتىستى حالىقارالىق كورمەلەردى وتكىزۋگە بولىنگەن 140 ملن تەڭگەدەن استام قارجىنى جىمقىردى دەگەن كۇدىك تاعىلدى.