نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى قالالىق پد اكىمشىلىك باسقارماسىنىڭ كەلىسىمىمەن بىرنەشە كوشە ۋچاسكەلەرىندە جوندەۋ جۇمىستارىن باستادى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
«وسى جىلدىڭ 21 شىلدەسى مەن 31 تامىزى ارالىعىندا جوندەۋ جۇمىستارىنىڭ جۇرگىزىلۋىنە بايلانىستى بۋراباي كوشەسىنىڭ قوبىلاندى باتىر كوشەسىنەن شاكارىم قۇدايبەردى ۇلى داڭعىلىنا دەيىنگى بولىگى كولىك قوزعالىسى ءۇشىن تولىعىمەن جابىلادى.
22-23 شىلدە كۇندەرى جانگەلدين كوشەسىنىڭ جەڭىس داڭعىلىنان جەلتوقسان كوشەسىنە دەيىنگى ارالىعى كولىك قوزعالىسى ءۇشىن ءىشىنارا جابىلاتىن بولادى», دەلىنگەن ءباسپاسوز حابارلاماسىندا.
سونداي-اق «QazAvtoJol» ۇك اق اقمولا وبلىستىق فيليالىنىڭ مالىمەتىنە سايكەس, نۇر-سۇلتان قالاسىنىڭ اينالما جولى 4 كم رەسپۋبليكالىق ماڭىزى بار اۆتوموبيل جولى (ر-10) كۇردەلى قۇرىلىس جۇمىستارىنا بايلانىستى جابىلادى. اعىمداعى جىلدىڭ 15 قازانىنا دەيىن تەمىرجول جەلىسىن سالۋمەن, ۇزىندىعى 2,6 كم وسى جول وتپەسىنىڭ بويىمەن كۇردەلى ۇلگىدەگى جول توسەمەسىمەن اينالما جولدى ورىنداۋ جوسپارلانىپ وتىر.
سونىمەن قاتار 23 شىلدە مەن 5 تامىز ارالىعىندا تۇران داڭعىلى بويىنداعى تولە بي كوشەسىنىڭ سىعاناق كوشەسىنەن «Baspana» جانە «Nova City» تۇرعىن ءۇي كەشەندەرىنە دەيىنگى ۋچاسكەسىندەگى كولىك قوزعالىسى ءۇشىن ءىشىنارا جابىلاتىن بولادى. اتالعان ۋچاسكەدە اسفالتبەتون جابىنىنىڭ جوعارعى قاباتىن توسەۋ بويىنشا جۇمىستار جۇرگىزىلەتىن بولادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى وتىنەمىز», دەلىنگەن بەيىندى باسقارمانىڭ حابارلاماسىندا.