كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە ۇرلىق جاساعان 43 جاستاعى كۇدىكتىنى ۇستادى, دەپ حابارلايدى Egemen.kz.
تەرگەۋ بارىسىندا قاسكۇنەم تاڭعى ۋاقىتتا قارتالى كوشەسىندەگى جاتاقحانا بولمەسىنە ەركىن كىرىپ, يەلەرىنىڭ ۇيىقتاپ جاتقانىن پايدالانىپ, Samsung تەلەفونىن جاسىرىن ۇرلاپ كەتكەنى انىقتالدى.
بەلگىلى بولعانداي, ەر ادام جاتاقحانالاردا بىرنەشە رەت ۇرلىق جاساعان. ول بولمە تۇرعىندارىنىڭ جۇمىسقا كەتىپ بارا جاتىپ, ەسىكتەرىن اشىق قالدىرىپ كەتكەنىن كۇتىپ, سول ءساتتى پايدالانعان.
بۇگىنگى تاڭدا ونىڭ ەلورداداعى وسىعان ۇقساس ۇرلىقتىڭ 11 ەپيزودىنا قاتىسى بارى انىقتالدى. قاسكۇنەم قىلمىستىق جولمەن تاپقانىن ۇيالى تەلەفون ساتىپ الۋشىلارعا نەمەسە بەلگىسىز ادامدارعا ساتىپ جىبەرگەن.
اتالعان فاكتىلەر بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى, ءوز كىناسىن مويىندادى. ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى تەكسەرىلۋدە.