سينوپتيكتەر 21 شىلدەگە ارنالعان اۋا رايى بولجامىن جاريالادى, دەپ حابارلايدى Egemen.kz.
«سولتۇستىك-باتىس تسيكلوننىڭ جىراسى اسەرىنەن ەلىمىزدىڭ باسىم بولىگىندە نايزاعاي ويناپ, جەل كۇشەيەدى, باتىسىندا, سولتۇستىگىندە, شىعىسىندا بۇرشاق جاۋى ىقتيمال, وڭتۇستىك-باتىسىندا شاڭدى داۋىل سوعۋى مۇمكىن. قازاقستاننىڭ تەك وڭتۇستىك جانە وڭتۇستىك-شىعىس وڭىرلەرىنە عانا انتيتسيكلون جوتاسى اسەر ەتىپ – جاۋىن-شاشىنسىز اۋا رايى بولادى», دەلىنگەن حابارلامادا.
تۇركىستان, قىزىلوردا, جامبىل وبلىستارىنىڭ باسىم بولىگىندە, اتىراۋ, ماڭعىستاۋ وبلىستارىنىڭ وڭتۇستىگىندە, باتىس قازاقستان وبلىسىنىڭ وڭتۇستىك-باتىسىندا توتەنشە ءورت قاۋپى ساقتالادى.
كۇندىز الماتى, جامبىل, تۇركىستان, ماڭعىستاۋ, ۇلىتاۋ وبلىستارىنىڭ باسىم بولىگىندە, اقتوبە وبلىسىنىڭ وڭتۇستىگىندە قاتتى ىستىق بولادى.
كۇندىز قىزىلوردا, جامبىل وبلىستارىنىڭ باسىم بولىگىندە, ۇلىتاۋدىڭ وبلىسىنىڭ وڭتۇستىگى مەن ورتالىعىندا, قاراعاندى وبلىسىنىڭ وڭتۇستىگىندە وتە قاتتى ىستىق ساقتالادى.