پرەزيدەنت قاسىم-جومارت توقاەۆ ماڭعىستاۋ وبلىسىنا ارنايى جۇمىس ساپارىمەن كەلگەندە ءوڭىردىڭ الەۋمەتتىك-ەكونوميكالىق دامۋى جونىندەگى جيىندا ينفلياتسيا دەڭگەيىنىڭ جوعارى ەكەنىن, مۇنىڭ ازىق-ت ۇلىك تاۋارلارى باعاسىنىڭ تەز وسۋىنە اسەرى بارىن ايتىپ, اقتاۋ قالاسىندا كوممۋنالدىق جانە كوتەرمە بازارلاردى سالۋدى تاپسىرعان بولاتىن.
مەملەكەت باسشىسىنىڭ تاپسىرماسىنان كەيىن اقتاۋ قالاسىنىڭ 36-شاعىن اۋدانىندا جوبا قۇرىلىسى باستالدى. قۇرىلىستى «ورتس اقتاۋ» جشس جەكە ينۆەستوردىڭ قارجىسىنا سالۋدا, قازىرگى تاڭدا 2 مىڭ شارشى مەتر اۋماقتا پاۆيلوندار سالىنىپ جاتىر. پاۆيلونداردا فەرمەرلەر ءوز ونىمدەرىن دەلدالسىز جانە جالعا الۋ تولەمدەرىنسىز ساتا الادى, بۇل ءوز كەزەگىندە تۇتىنۋشىلار ءۇشىن باعانى قالىپتاستىرۋعا وڭ اسەر ەتپەك.
– كوتەرمە-تاراتۋ ورتالىعىنىڭ قۇرىلىسى جوبا بويىنشا كەزەڭ-كەزەڭىمەن ىسكە اسىرىلىپ جاتىر. قازىر قۇرىلىستىڭ 30 پايىزى اياقتالدى. جوبادا جەمىس-جيدەك, كوكونىس جانە قۇرعاق تاماق ونىمدەرىن ساقتايتىن قويما بولادى, سونىمەن قاتار مۋلتيكامەرالى توڭازىتقىشتار قاراستىرىلعان. جوبانىڭ ماقساتى – مەيرامحانالار, ازىق-ت ۇلىك دۇكەندەرى, باسقا دا بيزنەس سۋبەكتىلەرىندە ازىق-ت ۇلىك قاۋىپسىزدىگىن قامتاماسىز ەتۋ جانە قالا تۇرعىندارىن ەشقانداي دەلدالسىز, نارىقتاعى باعادان تومەن ازىق-ت ۇلىكپەن قامتۋ, دەيدى «ورتس اقتاۋ» جشس ديرەكتورى بەكزات جەتكىزگەنوۆ.
20 مىڭ شارشى مەتر جەرگە ورنالاساتىن ساۋدا جانە قويمانى 500 ادام جالعا الا الادى. 1,5 ملرد تەڭگە جۇمسالاتىن جوبادا بازار اۋماعىندا اۆتوموبيلدەرگە جانە قالالىق قوعامدىق كولىكتەرگە ارنالعان 750 ورىندىق اۆتوبەكەت جۇمىس ىستەيتىن بولادى, سونداي-اق ءبىر مەزەتتە 500 ادام سىياتىن جولاۋشىلار تەرمينالى ورنالاسپاق.
كوتەرمە-تاراتۋ ورتالىعى 2023 جىلى ىسكە قوسىلادى دەپ جوسپارلانۋدا.
ماڭعىستاۋ وبلىسى