Red Wings اۋە كومپانياسى شىلدەدە ماسكەۋدەن اقتوبەگە ۇشا باستايدى, دەپ حابارلايدى Egemen.kz.
Red Wings مالىمەتىنە سايكەس, اتالعان باعىتتا سىيىمدىلىعى 100 ورىندىق رەسەيلىك SSJ 100 لاينەرلەرى ىسكە قوسىلادى. رەيستەر جۋكوۆسكي حالىقارالىق اۋەجايىنان (ماسكەۋدەن وڭتۇستىك-شىعىسقا قاراي 20 شاقىرىم) ورىندالادى.
ماسكەۋ - اقتوبە رەيستەرى 29 شىلدەدە باستالىپ, جۇما كۇندەرى, ال اقتوبە - ماسكەۋ رەيستەرى 30 شىلدەدەن سەنبى كۇندەرى ورىندالادى.
اقتوبە Red Wings ماسكەۋدەن ۇشاتىن قازاقستاننىڭ ءتورتىنشى قالاسى بولادى. ساۋىردەن باستاپ اۋە كومپانيا جۋكوۆسكيدەن الماتى مەن نۇر-سۇلتان قالالارىنا, شىلدەدىڭ باسىنان باستاپ اقتاۋعا رەيستەر ورىندايدى.