ۆەنەتسيادا 61-ءشى حالىقارالىق ونەر بيەننالەسى اياسىندا قازاقستان رەسپۋبليكاسىنىڭ ۇلتتىق پاۆيلونى اشىلدى. كورمەدە ەلىمىز «قوڭىر: تىنىشتىق ءارحيۆى» اتتى جوبانى تانىستىرىپ, رۋحانيات, مادەني مۇرا مەن تاريحي جادى تاقىرىپتارىن زاماناۋي ونەر ارقىلى كورسەتتى, دەپ حابارلايدى Egemen.kz.
ۇلتتىق پاۆيلون مادەنيەت جانە اقپارات مينيسترلىگىنىڭ قولداۋىمەن ۇيىمداستىرىلدى. اشىلۋ سالتاناتىنا ۆيتسە-مينيستر ايبەك سىدىقوۆ, ەلشى ەربولات سەمباەۆ, بيەننالە پرەزيدەنتى پەتراندجەلو بۋتتافۋوكو جانە ونەر وكىلدەرى قاتىستى.
كورمە ۆەنەتسياداعى Museo Storico Navale مۋزەيىنىڭ بەس زالىندا ورنالاسقان. ەكسپوزيتسيا دىبىس, جارىق جانە ۆيزۋالدى وبرازدار ارقىلى جاسالعان ەرەكشە يممەرسيۆتى ساياحات رەتىندە ۇسىنىلعان. جوبانىڭ كۋراتورى – سىرلىبەك بەكبوتا. ونىڭ جۇمىسىنا كومپوزيتور ابىكەن حاسەنوۆتىڭ ءداستۇرلى «قوڭىر» كۇيى نەگىز بولعان.
استانادا جەڭىس كۇنىنە وراي اسكەري تەحنيكا كورمەسى وتەدى
كورمەدە Steppe Architectonics ينستاللياتسياسى, دىبىستىق جانە تسيفرلىق تۋىندىلار, سونداي-اق تۇيە جۇنىنەن جاسالعان كوركەم جۇمىستار قويىلعان. اۆتورلار جادى, ءداستۇر جانە ۇرپاقتار ساباقتاستىعى تاقىرىپتارىن ونەر ارقىلى بەينەلەگەن.
بيىل قازاقستان ۇلتتىق پاۆيلونى العاش رەت اشىق كونكۋرس ارقىلى ىرىكتەلگەن كۋراتورلار مەن سۋرەتشىلەردىڭ قاتىسۋىمەن دايىندالدى. جوبانىڭ باس سەرىكتەسى – «سامۇرىق-قازىنا» اق.
الماتىدا ء«بىر اسپان استىندا» حالىقارالىق زاماناۋي ونەر كورمەسى اشىلدى
كورمەنى 2026 جىلعى 9 مامىر مەن 22 قاراشا ارالىعىندا ۆەنەتسياداعى Museo Storico Navale مۋزەيىندە تاماشالاۋعا بولادى.