شىعىس قازاقستان وبلىسىنىڭ وسكەمەن-التاي-راحمان قاينارى تاسجولىندا تسەمەنت تاسيتىن جۇك كولىگى اۋدارىلىپ قالدى, دەپ حابارلايدى Egemen.kz.
تجم ءباسپاسوز قىزمەتىنىڭ مالىمەتىنشە, كابينادا جۇرگىزۋشى قىسىلىپ قالعان.
1987 جىلى تۋعان ازاماتتى قۇتقارۋشىلار شىعارىپ الدى. ولارعا جول بويىنداعى وزگە جۇرگىزۋشىلەر كومەككە كەلگەن.
اپاتتار مەديتسيناسى ورتالىعىنىڭ دارىگەرلەرى زارداپ شەككەن ازاماتقا العاشقى مەديتسينالىق كومەك كورسەتىپ, ونى قالاداعى مەديتسينالىق مەكەمەگە جەتكىزدى.
ايتا كەتەيىك, اتىراۋ وبلىسىندا اۋدان اكىمنىڭ ورىنباسارى جول اپاتىنان كوز جۇمدى.