ۆلاديمير پۋتين ەكى ەلدىڭ بارلىق سالاداعى ءوزارا ءتيىمدى بايلانىستارىن بەكەمدەي تۇسۋگە مۇددەلى ەكەنىن ايتتى, دەپ حابارلايدى Egemen.kz.
ء«بىزدىڭ قۋاتتى ءارى ءوسىپ-وركەندەۋ جولىنا تۇسكەن قازاقستانعا دەگەن قۇرمەتىمىز ەرەكشە. ەلدەرىڭىزدىڭ ەكونوميكاسى قارقىندى دامىپ جاتىر. حالىق جاپپاي قولداعان ءتيىمدى ساياسي جۇيە قالىپتاستى. كۇنى كەشە قازاقستاندا زامان تالابىنا ساي كەلەتىن, ەلدىڭ كەلەشەگىن ايقىندايتىن جاڭا كونستيتۋتسيا قابىلداندى. رەسپۋبليكا ازاماتتارىنىڭ باسىم كوپشىلىگى وسى قۇجاتتى قولداپ داۋىس بەردى. سول ارقىلى پرەزيدەنت قاسىم-جومارت توقاەۆتىڭ مەملەكەتتىك ينستيتۋتتاردى نىعايتۋ, ەلدى جان-جاقتى جاڭعىرتۋ جانە الەۋمەتتىك-ەكونوميكالىق, رۋحاني تۇرعىدان دامىتۋ جولىنداعى باستامالارىن قولدايتىنىن كورسەتتى. وسى اۋقىمدى رەفورمانىڭ ءبارى تابىستى جۇزەگە اسىرىلىپ, مەملەكەتتى كۇشەيتۋگە جانە حالىقتىڭ ءال-اۋقاتىن ارتتىرۋعا ىقپال ەتەدى دەپ سەنەمىن», دەدى ۆلاديمير پۋتين.
رەسەي پرەزيدەنتى ەكى ەلدىڭ بارلىق سالاداعى ءوزارا ءتيىمدى بايلانىستارىن بەكەمدەي تۇسۋگە مۇددەلى ەكەنىن ايتتى.
ء«بىز قاسىم-جومارت كەمەل ۇلىمەن شىنايى ءارى دوستىق قارىم-قاتىناس ورناتتىق. كەزدەسۋلەرىمىز بەن سۇحباتتارىمىز ءاردايىم بۇكپەسىز, ناتيجەلى وتەدى. ءبىز ەكى ەلدىڭ بارلىق سالاداعى ءوزارا ءتيىمدى بايلانىستارىن بەكەمدەي تۇسۋگە مۇددەلىمىز», دەدى ۆلاديمير پۋتين.
بۇعان دەيىن رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارى قارساڭىندا ەكى ەل قارىم-قاتىناسىنىڭ قازىرگى جاي-كۇيىنە جانە ونىڭ كەلەشەگىنە قاتىستى ويلارىن ورتاعا سالعان بولاتىن.