اقش يران ەلىنە ورمۇز بۇعازىن بىرتىندەپ اشىپ, پورتتارعا قويىلعان بلوكادانى الىپ تاستاۋدى ۇسىندى. بۇل ۇسىنىستار ۆاشينگتون تەگەرانعا جولداعان ءوزارا تۇسىنىستىك تۋرالى مەموراندۋمعا ەنگىزىلگەن, دەپ حابارلايدى Egemen.kz.
اقپاراتقا سايكەس, تاراپتار يادرولىق باعدارلاما بويىنشا ەگجەي-تەگجەيلى كەلىسسوزدەردى كەيىنىرەك وتكىزۋدى جوسپارلاپ وتىر. كەلىسسوز جۇرگىزۋشىلەر يراننان ەكى تاۋلىك ىشىندە جاۋاپ كۇتۋدە.
بۇعان دەيىن دونالد ترامپ اقش اكىمشىلىگى يران باسشىلىعىمەن ناتيجەلى كەلىسسوزدەر وتكىزگەنىن مالىمدەگەن ەدى. ونىڭ ايتۋىنشا, جاقىن ۋاقىتتا كەلىسىمگە قول جەتكىزۋ مۇمكىندىگى بار.
دونالد ترامپ يرانمەن كەلىسىمگە كەلۋ ءۇشىن اسكەري وپەراتسيانى توقتاتتى
سونىمەن قاتار ترامپ كەلىسىم جۇزەگە اسپاسا, يرانعا قارسى قارقىندى اۋە شابۋىلدارى جاسالۋى مۇمكىن ەكەنىن ەسكەرتتى. اق ءۇي باسشىسى مامىلە ءوزىنىڭ 14–15 مامىرعا جوسپارلانعان قىتاي ساپارىنا دەيىن جاسالۋى ىقتيمال ەكەنىن ايتتى.