قاراعاندى قالاسىندا ءاليحان بوكەيحان اۋدانىنداعى ەكى پاتەرلى تۇرعىن ۇيدە ءورت شىقتى, دەپ حابارلايدى Egemen.kz.
وقيعا ورنىنا تجم كۇشتەرى جەدەل جەتتى. العاشقى بولىمشەلەر كەلگەن كەزدە ءۇيدىڭ شاتىرى مەن بولمەلەرى اشىق جالىنمەن جانىپ جاتقان.
قۇتقارۋشىلار كەلگەنشە شاتىردىڭ ءبىر بولىگى وپىرىلىپ تۇسكەن.تجم قىزمەتكەرلەرى پاتەردەن كولەمى 27 ليترلىك گاز باللونىن دەر كەزىندە الىپ شىقتى. بۇل اۋىر سالداردىڭ الدىن الۋعا مۇمكىندىك بەردى.ءورت ءسوندىرىلدى, زارداپ شەككەندەر جوق. سەبەبى انىقتالىپ جاتىر.