چەحيا تۇرعىنى Eurojackpot لوتەرەياسىنان 120 ميلليون ەۋرو ۇتىپ الدى, دەپ حابارلايدى Egemen.kz.
جەڭىمپاز بارلىق ۇتىس سانىن ءدال تاپقان. ۇيىمداستىرۋشىلاردىڭ مالىمەتىنشە, ۇتىس كولەمى شامامەن 66,7 ميلليارد تەڭگە.
لوتەرەيا بيلەتى ءبىر ادامعا نەمەسە ونى بىرگە ساتىپ العان بىرنەشە ادامعا تيەسىلى بولۋى مۇمكىن. ازىرگە بۇل تۋرالى ناقتى اقپارات جاريالانعان جوق.
اقش-تا ەر ادام لوتەرەيادان 18 رەت ۇتىس ۇتىپ العان
Eurojackpot-تا جەڭىسكە جەتۋ ءۇشىن 50 ساننىڭ ىشىنەن بەس ساندى جانە 12 ساننىڭ ىشىنەن ەكى قوسىمشا ساندى تابۋ قاجەت. بۇل جولى 5, 11, 23, 33, 42 ساندارى, سونداي-اق 10 جانە 12 قوسىمشا ساندارى ۇتىستى كومبيناتسيا بولدى.
بۇعان دەيىن باس جۇلدە قاتارىنان 13 تيراج بويى ويناتىلماعان. سونىڭ ناتيجەسىندە دجەكپوت كولەمى ەڭ جوعارى دەڭگەيگە – 120 ميلليون ەۋروعا دەيىن وسكەن.
سونداي-اق گەرمانيا مەن نورۆەگيا تۇرعىندارى دا ءىرى ۇتىسقا يە بولدى – ارقايسىسى 4 ميلليون ەۋرودان ۇتىپ العان.
900 ملرد تەڭگە: لوتەرەيا جەڭىمپازى ۇتىسىن نەگە الماي ءجۇر؟
ۇيىمداستىرۋشىلاردىڭ ايتۋىنشا, Eurojackpot لوتەرەياسىنىڭ باس جۇلدەسى 140 ميلليون ادامنىڭ ىشىنەن تەك ءبىر ادامعا بۇيىرادى.