استانادا 18 جاستاعى بويجەتكەن جازۋشى بەيىمبەت ءمايليننىڭ ەسكەرتكىشىندە فوتوسەسسيا جاساعاننان كەيىن جاۋاپكەرشىلىككە تارتىلدى. ءىس ماتەريالدارى سوتقا جولداندى, دەپ حابارلايدى Egemen.kz.
ۆيدەو جاريالانعاننان كەيىن پوليتسەيلەر بويجەتكەننىڭ جەكە باسىن انىقتادى. ول استانا قالاسىنىڭ 18 جاستاعى تۇرعىنى بولىپ شىقتى. قىز «بايقوڭىر» اۋداندىق پوليتسيا باسقارماسىنا جەتكىزىلدى.
ول ۇساق بۇزاقىلىق فاكتىسى بويىنشا جاۋاپكەرشىلىككە تارتىلدى.
سونداي-اق قۇقىق قورعاۋ ورگاندارى ەسكەرتكىشتەر مەن مادەني مۇرا نىساندارىنا قاتىستى مۇنداي ارەكەتتەرگە جول بەرىلمەيتىنىن ەسكەرتتى. ۆەدومستۆو وكىلدەرى ەسكەرتكىشتەردى قاساقانا ءبۇلدىرۋ ۆانداليزم رەتىندە باعالانىپ, قىلمىستىق جاۋاپكەرشىلىككە اكەلۋى مۇمكىن ەكەنىن اتاپ ءوتتى.
ايتا كەتەيىك, مەملەكەت باسشىسى ماڭعىستاۋ وبلىسىنىڭ ىبىقتى ساي شاتقالىندا بولعان وقيعا بويىنشا ءتيىستى وكىلەتتى ورگاندار قاتاڭ قۇقىقتىق قورىتىندى شىعارۋى كەرەك ەكەنىن ايتتى.