ىشكى ىستەر مينيسترلىگى بولاشاق امنيستياعا ءىلىنۋى مۇمكىن ازاماتتار ساناتىن جانە كەرىسىنشە قامتىلمايتىن توپتاردى جاريالادى. سونىمەن قاتار اكىمشىلىك امنيستيا ەنگىزۋ ماسەلەسى دە قاراستىرىلىپ جاتىر, دەپ حابارلايدى Egemen.kz.
ءىىم وكىلى سانجار ءادىلوۆتىڭ ايتۋىنشا, قازىر ۆەدومستۆوارالىق جۇمىس توبى قىلمىستىق امنيستيانىڭ الدىن الا جوباسىن دايىنداعان. ەڭ الدىمەن جەڭىل جانە ورتاشا اۋىر قىلمىس جاساعان ادامدارعا جەڭىلدىك بەرىلۋى مۇمكىن.
امنيستيا مىنا ساناتتارعا قاتىستى بولۋى ىقتيمال:
قىلمىستىق تەرىس قىلىق جاساعاندار; جەڭىل قىلمىسقا ايىپتالعاندار; زالال كەلتىرمەگەن ورتاشا اۋىر قىلمىس جاساعاندار; جازاسىنىڭ سوڭعى ءبىر جىلىن وتەپ جاتقان سوتتالعاندار.سونىمەن قاتار كەيبىر اۋىر جانە اسا اۋىر قىلمىس تۇرلەرى بويىنشا جازانى قىسقارتۋ (شامامەن قالعان مەرزىمنىڭ بەستەن ءبىر بولىگىنە دەيىن) ۇسىنىلىپ وتىر.
قازاقستاندا امنيستيا اياسىندا 2 مىڭنان استام ادام بوستاندىققا شىقتى
الايدا امنيستيا كەلەسى قىلمىستارعا قولدانىلمايدى:
ەكسترەميزم جانە تەرروريزم; ازاپتاۋ; سىبايلاس جەمقورلىق قىلمىستارى; كامەلەتكە تولماعاندارعا قارسى جىنىستىق قىلمىستار; سىرتتاي شىعارىلعان ۇكىمدەر.سونداي-اق تارتىپتىك جاعدايى تەرىس دەپ باعالانعان سوتتالعاندار دا امنيستياعا ىلىگۋى شەكتەلۋى مۇمكىن.
اكىمشىلىك امنيستيا بويىنشا دا جۇمىس ءجۇرىپ جاتىر. قازىر 15 مەملەكەتتىك ورگان ءوز ۇسىنىستارىن جىبەرگەن. ايىپپۇلداردى, سونىڭ ىشىندە جول ەرەجەسىن بۇزۋ ايىپپۇلدارىن الىپ تاستاۋ ماسەلەسى ازىرگە ناقتى شەشىلگەن جوق – تۇپكىلىكتى شەشىم پارلامەنتتە قابىلدانادى.